Samuel II, 6:11 - BAIBLO ALOO NGMAMI KLƆUKLƆU Ɔ

¹¹ Yawɛ daka a hi Obed Edom we ɔ mi nyɔhiɔ etɛ; nɛ Yawɛ gbaa Obed Edom, kɛ e we ɔ tsuo.

Samuel II, 6:11 ပူးပေါင်းရင်းမြစ်များ

Mose I, 30:27

Laban he nɔ ke, “I kpa mo pɛɛ nɛ o bu nɔ́ nɛ ma de nɛ ɔ tue. I ya bi ní, nɛ a de mi ke o he nɛ Yawɛ gbaa mi ngɛ.

Mose I, 39:23

Pamitsɛmɛ ɔmɛ a nɔ hyɛlɔ ɔ pa gba we e he nya hu kaa nɔ́ ko nɛ e to kɛ wo Yosef dɛ mi ɔ, lɛ nitsɛ e ma pa hyɛ nɔ. Ejakaa Yawɛ kɛ Yosef ngɛ, nɛ nɔ́ tsuaa nɔ́ nɛ e peeɔ ɔ, e yeɔ manye.

Mose I, 39:5

Kɛ je jamɛ a be ɔ kɛ yaa a, Yawɛ gbaa Potifar ngɛ Yosef he. E gbaa e weto ní tsuo: e we mi níhi, kɛ e ngmɔ mi níhi tsuo.

Samuel II, 6:10

Enɛ ɔ he je ɔ, David to e yi mi kaa e kɛ Yawɛ daka a be Yerusalem yae hu. Kɛkɛ nɛ e gba kɛ je blɔ ɔ nɔ nɛ e kɛ daka a ho Obed Edom nɛ je Gat ɔ we mi ya.

Kronika I, 26:4

A hla Obed Edom binyumuhi kpaanyɔ nɛ Mawu kɛ dloo lɛ ɔ hulɔ. A biɛhi ngɛ a fɔmi nya ji Shemaya, Yehozabad, Yoa, Sakar, Netanel,

Malaki 3:10

Nyɛɛ ngɔ mi dlami nyɔngmanyɔngma mi kakaaka amɛ tsuo kɛ ba nito he ɔ, konɛ niye ní nɛ hiɛ ngɛ ye we ɔ. Nyɛɛ ka mi nɛ nyɛɛ hyɛ kaa i be hiɔwe saflɛhi blie nɛ ma ha nɛ ní kpakpa babauu maa nɛ ngɔ pue nyɛ nɔ babaaba kaa hiɔmi lo?