Samuel II, 5:9 - BAIBLO ALOO NGMAMI KLƆUKLƆU Ɔ

⁹ David hi mɔ nguaa a mi, nɛ e wo lejɛ ɔ biɛ ke “David ma.” David po ma kɛ bɔle si; e to ma a sisi kɛ je he nɛ a tloo zu ngɔ pue ɔ, kɛ ba mi blɔ.

Samuel II, 5:9 ပူးပေါင်းရင်းမြစ်များ

Matsɛmɛ I, 9:24

Benɛ Farao ɔ biyo, nɛ ji Salomo yo ɔ klɛ kɛ je David ma a mi kɛ ho lɛ nitsɛ e we nɛ Salomo po ha lɛ ɔ mi ya a, jamɛ a be ɔ nɛ Salomo ma Milo mɔ ɔ nɛ.

Matsɛmɛ I, 9:15

Matsɛ Salomo nyɛ nihi a nɔ kɛ tsu ma ní tsumi kpakpataa, nɛ e kɛ ma Yawɛ we ɔ, matsɛ we ɔ, Milo mɔ ɔ, Yerusalem gbogbo ɔ, Hazor, Megido, kɛ Gezer ma amɛ.

Kronika II, 32:5

Matsɛ ɔ dla Yerusalem ma a he fami ní ɔmɛ; gbogbohi nɛ ku ɔ, e kpale fia mɛ ekohu, nɛ e ma mɔhi ngɛ a nɔ; e fia gbogbo enyɔne hulɔ kɛ wo ma a he. Jehanɛ se hu, e dla Milo mɔ ɔ nɛ ngɛ David ma a mi ɔ, nɛ e sɔ kɛ̃ɛ̃hi kɛ tsɛ̃ihi babauu.

Matsɛmɛ I, 11:27

Bɔ nɛ Yeroboam atuã tsɔmi sane ɔ ba ha ji nɛ ɔ nɛ. Salomo ngɛ Milo mɔ ɔ mae, nɛ e ngɛ e tsɛ David ma a he gbogbo ɔmɛ nɛ hule ɔ fiae ekohu.

Samuel II, 5:7

Se kɛ̃ David ya ngɔ Zion mɔ nguaa a nɛ ba plɛ pee David ma a.

Kronika I, 11:8

David po ma a kɛ bɔle si; e to ma a sisi kɛ je he nɛ a tloo zu ngɔ pue ɔ ngɛ kpo ɔ beleku je. Yoab dla ma a he nɛ piɛ ɔ.

Manyadali 9:20

Se ke pi ja ji sane ɔ, lɛɛ la nɛ je Abimelek mi ya sã Shekem bi ɔmɛ kɛ Bet Milo bi ɔmɛ; jehanɛ, e je Shekem bi ɔmɛ kɛ Bet Milo bi ɔmɛ a mi ya sã Abimelek.”

Manyadali 9:6

Kɛkɛ nɛ Shekem kɛ Bet Milo bi ɔmɛ tsuo bua a he nya, nɛ a ya wo Abimelek matsɛ ngɛ Shekem, ngɛ tso ngua a kasa nya.

Samuel II, 5:8

Jamɛ a ligbi ɔ, David de e we bi ɔmɛ ke, “Nɔ tsuaa nɔ nɛ maa suɔ nɛ e gbe Yebus bi ɔmɛ ɔ, nɔ ɔ nɛ e su nyu dɔ ɔ he, nɛ e ya tua jamɛ a akpaketsɛmɛ ɔmɛ, kɛ hɛ yuyuili ɔmɛ. Nyɛ li bɔ nɛ i sume mɛ ha po!” Enɛ ɔ he je nɛ a deɔ ke, “E sɛ kaa hɛ yuyuili kɛ akpaketsɛmɛ baa Yawɛ we ɔ” nɛ.

Matsɛmɛ II, 12:20

Matsɛ Yoash tsɔli ɔmɛ so e yi nɔ nɛ a ti nihi enyɔ gbe lɛ ngɛ Milo we ɔ, ngɛ blɔ ɔ nɛ a guu kɛ yaa Sila a nɔ. Shimeat binyumu Yozakar, kɛ Shomer binyumu Yehozabad ji ni nɛmɛ nɛ gbe lɛ ɔ nɛ. A pu Yoash ngɛ matsɛmɛ ɔmɛ a yɔkɔ ɔ mi ngɛ David ma a mi, nɛ e binyumu Amazia ba ye matsɛ ngɛ e se.

La 122:3

Yerusalem ji ma nguaa saminyayoo nɛ a to lɛ si kɛ e mi nɔ́ tsuaa nɔ́ ngɛ hanɔhanɔ.

Yesaya 29:1

Musu tloo Yerusalem! Yerusalem, Mawu bɔ sami la tɛ ɔ musu tloo lɛ! David ma nɛ e hi mi ɔ, musu tloo lɛ. Jeha kake, loo enyɔ komɛ kɛ a mi ní yemi, kɛ nyami ɔmɛ a se ɔ,

Samuel II, 6:10

Enɛ ɔ he je ɔ, David to e yi mi kaa e kɛ Yawɛ daka a be Yerusalem yae hu. Kɛkɛ nɛ e gba kɛ je blɔ ɔ nɔ nɛ e kɛ daka a ho Obed Edom nɛ je Gat ɔ we mi ya.

Matsɛmɛ I, 2:10

David ba gbo, nɛ a pu lɛ ngɛ David ma a mi.

Nehemia 3:15

Kolhoze binyumu Shalum, Mizpa zugba a nɔ yelɔ ɔ dla Nyu Vu Agbo ɔ. E fia ekohu, nɛ e tsi e yi mi ɔ. E ma sinya amɛ, nɛ e wo a nya dadehi kɛ a se lami níhi. Gbogbo ɔ nɛ tsa matsɛ abɔɔ ɔ nɔ ngɛ Shela Taku ɔ he ɔ, lɛ kɛ̃ nɛ e fia jamɛ a gbogbo ɔ kɛ ya su kpoku ɔmɛ nɛ a kɛ kpleɔ si kɛ jee David ma a mi ɔ a he.