Samuel II, 5:6 - BAIBLO ALOO NGMAMI KLƆUKLƆU Ɔ

⁶ Matsɛ David kɛ e we bi ɔmɛ ho ya tua Yerusalem. Yebus bi ɔmɛ nɛ ji zugba a nɔ bi ɔ, de David ke, “O be nyɛe maa ba hiɛ ɔ; hɛ yuyuili kɛ akpaketsɛmɛ po maa fie mo kɛ je hiɛ ɔ.” Blɔɔ a susumi ji David be nyɛe nɛ e ya lejɛ ɔ.

Samuel II, 5:6 ပူးပေါင်းရင်းမြစ်များ

Mose I, 14:18

Salem matsɛ, Melkizedek, nɛ lɛ kɛ̃ ji Mawu Hiɔwe No ɔ we osɔfo ɔ, ngɔ abolo kɛ wai ba ha Abram,

Samuel II, 22:30

Mo lɛ o haa mi nɔmlɔ tso he wami nɛ i kɛ fiaa ye he nyɛli nɔ́ nɛ i gbee mɛ; kɛ mumi mi he wami nɛ i kɛ yeɔ a nɔ kunimi.

Abɛ Womi 21:22

Gbogbo nɛ katsɛmɛ fiaa kɛ bɔleɔ a mɔ, nɛ lɔ ɔ nɔ a ngɔɔ a hɛ ngɔ fɔɔ ɔ, ní lelɔ kuɔɔ nɛ e kpataa ma a hɛ mi.

Yeremia 21:13

Mo Yerusalem, o maa si piɔpiɔɔpiɔ ngɛ kɔ̃ ɔmɛ a mi kaa tɛ sa ngɛ nga kplanaa nɔ. Se i kɛ mo maa to ní. O deɔ ke nɔ ko be nyɛe ma ba tua mo, nɛ nɔ ko be nyɛe maa sɛ o mɔ ɔmɛ a mi.

Yeremia 37:10

Ke e ba mi kaa nyɛ ye Babilonia tabo ɔ tsuo nɔ, nɛ e piɛ nihi nɛ plaa kɛ pueɔ si ngɛ a bo tsuhi a mi po, jamɛatsɛmɛ ɔmɛ maa te si nɛ a maa sã ma nɛ ɔ kɛ̃.”

Hebribi 7:1

Melkizedek ɔ, Salem matsɛ, kɛ Mawu Ope ɔ we osɔfo ji lɛ. Be ko ɔ, Abraham kɛ matsɛmɛ komɛ ya hwu ta, nɛ e ye a nɔ. Benɛ e kpale kɛ ma a, e kɛ Melkizedek ba kpe, nɛ Melkizedek gbaa lɛ.

Yoshua 10:3

Lɔ ɔ he ɔ, Yerusalem matsɛ, Adonizedek tsɔ kɛ ya de Hebron matsɛ, Hoham; Yarmut matsɛ, Piram, Lakish matsɛ, Yafia; kɛ Eglon matsɛ, Debir ke,

Yoshua 15:63

Yuda bi ɔmɛ nyɛ we nɛ a fie Yebus bi ɔmɛ nɛ hi Yerusalem ɔ kɛ je lejɛ ɔ. Lɔ ɔ he ɔ, Yebus bi ɔmɛ kɛ Yuda bi ɔmɛ ngɛ Yerusalem kɛ mwɔɔ.

Yoshua 18:28

Zela, Haelef, Yebus (loo Yerusalem), Gibea, kɛ Kiriat Yearim. E peeɔ ma nyɔngma kɛ eywiɛ kɛ a he kɔpehi. Zugba nɛ Benyamin bi ɔmɛ ná kaa a weto ní we puɔ nya we puɔ nya ji nɛ ɔ nɛ.

Manyadali 1:21

Se Yebus bi nɛ ngɛ Yerusalem ɔ lɛɛ Benyamin bi ɔmɛ fie we mɛ; lɔ ɔ he ɔ, a kɛ Benyamin bi ɔmɛ ngɛ lejɛ ɔ kɛ ba si mwɔnɛ ligbi nɛ ɔ.

Manyadali 1:8

Yuda bi ɔmɛ ya tua Yerusalem, nɛ a ngɔ ma a. A kɛ klaate gbe ma mi bi ɔmɛ, nɛ a mɛ ma a he la.