Samuel II, 5:23 - BAIBLO ALOO NGMAMI KLƆUKLƆU Ɔ

²³ Benɛ David ya bi Yawɛ ga womi ekohu ɔ, Yawɛ de lɛ ke, “Dɛbi, ko tua mɛ ngɛ hiɛ ɔ; yaa lɔgɔ kɛ gu a se je, nɛ o ya tua mɛ ngɛ tso ɔmɛ a he ngɛ lejɛ ɔ.

Samuel II, 5:23 ပူးပေါင်းရင်းမြစ်များ

Samuel II, 2:1

Enɛ ɔ se ɔ, David bi Yawɛ ke, “Ma kpale kɛ ya Yuda ma amɛ eko mi lo?” Yawɛ he nɔ ke, “Ee, moo ya.” David bi lɛ ekohu ke, “Jije ma ya?” Nɛ Yawɛ de lɛ ke, “Yaa Hebron.”

Samuel II, 5:19

David bi Yawɛ ke, “Ma ya tua Filisti bi ɔmɛ lo? O ma je mɛ kɛ wo ye dɛ mi lo?” Yawɛ ha David heto ke, “Ee, moo ya! Bɔ tsuaa bɔ nɛ pee ɔ, ma je Filisti bi ɔmɛ kɛ wo o dɛ mi.”

Kronika I, 14:14

David ya bi Mawu ga womi ekohu, nɛ Mawu de lɛ ke, “Dɛbi, ko tua mɛ ngɛ hiɛ ɔ; yaa lɔgɔ kɛ gu a se je, nɛ o ya tua mɛ ngɛ tso ɔmɛ a he ngɛ lejɛ ɔ.

Yoshua 8:2

Ó pee Ai kɛ e matsɛ ɔ kaa bɔ nɛ o pee Yeriko kɛ e matsɛ ɔ; se ta yibu ní ɔmɛ, kɛ we mi lohwe ɔmɛ lɛɛ nyɛɛ ha ha nyɛ he. Nyɛ ya wo ma a he ka, nɛ nyɛ tua lɛ kɛ je e se je.”

Yoshua 8:7

Kɛkɛ ɔ, nyɛ ka woli ɔmɛ nyɛ maa je se je ɔ kɛ ba tua ma a; ejakaa Yawɛ, nyɛ Mawu ɔ maa ngɔ ma a ngɔ wo nyɛ dɛ.

Samuel I, 22:15

Anɛ mwɔnɛ ɔ nɛ i bɔni Mawu ga womi bimi kɛ lɛ hami lo? Dɛbi! Nɛnɛ, koo po sane ngɔ fɔ o tsɔlɔ, loo o tsɔlɔ weku li a nɔ; ejakaa i li nɔ́ nɛ ɔ he nɔ ko kulaa.”

Samuel I, 23:2

Lɔ ɔ he ɔ, David bi Yawɛ ke, “Ma ya nɛ ma ya tua Filisti bi ɔmɛ lo?” Yawɛ he nɔ ke, “Ee, yaa nɛ o ya tua mɛ nɛ o kɛ he Keila yi wami.”