Samuel II, 5:21 - BAIBLO ALOO NGMAMI KLƆUKLƆU Ɔ

²¹ Filisti bi ɔmɛ je a wɔ ɔmɛ a he ngɛ lejɛ ɔ, nɛ David kɛ e we bi ɔmɛ ba muɔ kɛ ho.

Samuel II, 5:21 ပူးပေါင်းရင်းမြစ်များ

Mose V, 7:5

Bɔ nɛ nyɛɛ pee mohu ji kaa nyɛɛ ku a bɔ sami la tɛ ɔmɛ; nyɛɛ ywia mɛ dukuduku, nɛ nyɛɛ ywia a yo mawu nɛ a tsɛɛ Ashera a we amaga a, nɛ nyɛɛ sã wɔ ɔmɛ.

Yeremia 43:12

Ma mɛ Egipt mawu ɔmɛ a jami he ɔmɛ a he la, nɛ Babilonia matsɛ ɔ maa sã mawu ɔmɛ; aloo ke e suɔ ɔ, e maa muɔ mɛ kɛ ho. Kaa bɔ nɛ to hyɛlɔ nuɔ ngmo ngɛ e bo mi nɛ e peeɔ lɛ falifali ɔ, ja pɛ Nebukadnezar maa pee Egipt zugba a falifali. Nɛ ke e gbe nya a, e maa je lejɛ ɔ kɛ tue mi jɔmi.

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

Mose V, 7:25

Nyɛɛ sã a we amaga amɛ. Nyɛ hɛ ko kɔ̃ a sika hiɔ, loo sika tsu nɔ; nyɛ ko ngɔ ekoeko. Ke nyɛ ngɔ eko ɔ, e maa pee gbenɔ ha nyɛ; ejakaa Yawɛ, nyɛ Mawu ɔ sume amaga jami.

Yeremia 48:7

“Moab bi, nyɛ ngɔ nyɛ hɛ ngɔ fɔ nyɛ he wami, kɛ nyɛ juetli nɔ, lɔ ɔ he ɔ, nyɛ hu a ma ba ngɔ nyɛ kɛ ho. Nyɛ mawu ɔ nɛ a tsɛɛ lɛ Kemosh ɔ, a maa ngɔ lɛ kɛ ho ma se ya kɛ e ganɔ ɔmɛ, kɛ e we osɔfo ɔmɛ.

Daniel 11:8

E maa muɔ a mawu ɔmɛ, amaga amɛ, kɛ sika hiɔ kɛ sika tsu ní kpakpa amɛ kɛ ya Egipt. Nɛ e kɛ Siria matsɛ ɔ be ta hwue hu jeha babauu.