Samuel II, 5:20 - BAIBLO ALOO NGMAMI KLƆUKLƆU Ɔ

²⁰ David pue nɔ kɛ ho Baal Perazim ya nɛ e ya ye Filisti bi ɔmɛ a nɔ kunimi ngɛ lejɛ ɔ; nɛ e de ke, “Yawɛ gba blɔ kɛ gblee ye he nyɛli ɔmɛ a ta a mi ngɛ ye hɛ mi kaa pa nɛ hia lalaala kɛ bee.” Enɛ ɔ he je nɛ e wo lejɛ ɔ biɛ ke Baal Perazim ɔ nɛ.

Samuel II, 5:20 ပူးပေါင်းရင်းမြစ်များ

Samuel II, 19:9

Ngɛ Israel wɛtso ɔmɛ tsuo a mi ɔ, ni ɔmɛ kɛ a he bɔni pɛmi nɛ a ngɛ dee ke, “Matsɛ David je wɔ kɛ je wa he nyɛli ɔmɛ a dɛ mi, nɛ e kpɔ wɔ kɛ je Filisti bi ɔmɛ a dɛ mi. Se amlɔ nɛ ɔ, Absalom fie lɛ kɛ je ma a mi.

Kronika I, 14:11

Kɛkɛ nɛ David ya tua Filisti bi ɔmɛ ngɛ Baal Perazim, nɛ e ye a nɔ kunimi ngɛ lejɛ ɔ. E de ke, “Mawu ngɔ mi kɛ gba blɔ kɛ gblee he nyɛli ɔmɛ a ta a mi kaa pa nɛ hia lalaala kɛ bee.” Enɛ ɔ he je nɛ a wo lejɛ ɔ biɛ ke Baal Perazim ɔ nɛ.

La 60:1

Mawu lee, o sake wɔ kɛ pue he. O mi mi fu wɔ, nɛ o gbɛ wɔ ngɔ fĩa. Se kpale wɔ kɛ ba wa glɛ nɔ ekohu koo!

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.