Samuel II, 4:7 - BAIBLO ALOO NGMAMI KLƆUKLƆU Ɔ

⁷ Benɛ a sɛ we ɔ mi ɔ, a na Ishboshet nɛ hwɔɔ si ngɛ sa nɔ ngɛ e se tsu ɔ mi. Nɛ a fia lɛ nɔ́ nɛ a gbe ngɔ wo sa mi. A po e yi nɛ a kɛ yi ɔ nyɛɛ nyɔnyɔɔnyɔ kɛ ya gu Yordan kɔ̃ ɔ mi.

Samuel II, 4:7 ပူးပေါင်းရင်းမြစ်များ

Mateo 14:11

A ngɔ yi ɔ ngɔ fɔ sowe nɔ kɛ ba ha yiheyo ɔ, nɛ lɛ hu e kɛ ya ha e nyɛ.

Samuel II, 2:29

Jamɛ a nyɔ ɔ mi ɔ, Abner kɛ e we bi ɔmɛ kpale a se kɛ ya gu Yordan kɔ̃ ɔ mi. A po Yordan pa a, nɛ e nɔ jena a, a nyɛɛ mɔtu ɔ tsuo kɛ ya si a su Mahanaim.

Samuel I, 31:9

A po Saul yi, nɛ a je ta hwumi ní ɔmɛ ngɛ e he, nɛ a kɛ tsɔ nihi ke a kɛ ya kpa Filistia tsuo, nɛ a ngɔ manye munyu ɔ ya ha amaga amɛ, kɛ ma a tsuo.

Samuel I, 17:54

David ngɔ Goliat yi ɔ kɛ ho Yerusalem ya; se Goliat ta hwumi ní ɔmɛ lɛɛ e ngɔ ya to lɛ nitsɛ e bo tsu mi.

Mose II, 8:3

Nilo pa a maa wo ovɔnɔhi fuu, nɛ ovɔnɔ ɔmɛ maa sɛ he tsuaa he. A maa sɛ o we mi; a maa sɛ o se tsu mi, nɛ o sa nitsɛ po a maa kuɔ. Jehanɛ a maa sɛ o tsɔli ɔmɛ kɛ o ma mi bi ɔmɛ a wehi a mi; a maa sɛ o flɔɔnɔɔhi kɛ o ní hoomi níhi a mi.

Samuel I, 17:51

David sa fo ya da Goliat nɔ. E hia Goliat klaate ɔ kɛ je kpo ɔ mi, nɛ e kɛ po e yi nɛ e gbe lɛ. Benɛ Filisti bi ɔmɛ na kaa a tatsɛ kpanaa a gbo ɔ, a tu fo.