Samuel II, 4:5 - BAIBLO ALOO NGMAMI KLƆUKLƆU Ɔ

⁵ Ligbi ko ɔ, Beerot no Rimon bimɛ Rekab kɛ Baana ya Ishboshet we ɔ mi piani katakata benɛ Ishboshet kpasa si bɔɔ.

Samuel II, 4:5 ပူးပေါင်းရင်းမြစ်များ

Kronika II, 25:27

Kɛ je be mi nɛ Amazia je Yawɛ se ɔ, e ma mi bi ɔmɛ so ngɔ wo e he ngɛ Yerusalem. Nyagbenyagbe ɔ, e tu fo kɛ ho Lakish ma a mi ya; se e he nyɛli ɔmɛ nyɛɛ e se, nɛ a ya gbe lɛ ngɛ lejɛ ɔ.

Kronika II, 24:25

A plaa Yoash wawɛɛ nitsɛ. Benɛ he nyɛli ɔmɛ kpale a se ɔ, e tsɔli ɔmɛ a ti nihi enyɔ so ngɔ wo e he, nɛ a gbe lɛ ngɔ wo sa mi. A pee nɔ́ nɛ ɔ kɛ ye osɔfo Yehoyada binyumu ɔ nɛ e gbe ɔ he lue. A pu Yoash ngɛ David ma a mi mohu, se a pu we lɛ ngɛ matsɛmɛ ɔmɛ a pu he ɔ.

Matsɛmɛ I, 16:9

Ela tsɔli ɔmɛ a ti nɔ kake nɛ a tsɛɛ lɛ Zimri ɔ so e yi nɔ. Zimri nɛ ɔ ji Matsɛ Ela ta zugba lɛ ɔmɛ fa a nyatsɛ. Ligbi ko ɔ, Ela ya Tirza, nɛ e ya nu dã nɛ e de kpɔtɔɔ ngɛ e tsɔlɔ ɔ nɛ hyɛɛ matsɛ we ɔ nɔ ngɛ Tirza a we mi. Tsɔlɔ nɛ ɔ biɛ ji Arza.

Samuel II, 11:2

Ligbi ko gbɔkuɛ nya si ɔ, David te si kɛ je e sa mi nɛ e ya ngɛ si slaae ngɛ tsu ɔ yi mi ngɛ matsɛ we ɔ mi. Kɛkɛ nɛ e na yo ko nɛ ngɛ due ngɛ sisi ɔ. Yo ɔ he ngɛ fɛu saminya.

Samuel II, 2:8

Se Saul tatsɛ Abner, Ner binyumu ɔ ku Saul binyumu Ishboshet kɛ tu fo kɛ po Yordan pa a kɛ ho Mahanaim ya.

Kronika II, 33:24

Amon tsɔli ɔmɛ so ngɔ wo e he, nɛ a gbe lɛ ngɛ matsɛ we ɔ.

Samuel II, 4:2

Ishboshet ngɛ asafoatsɛmɛ enyɔ; nɔ kake biɛ ji Baana, nɛ nɔ kake hu biɛ ji Rekab. Beerot no Rimon nɛ je Benyamin wɛtso ɔ mi ɔ bimɛ ji mɛ. (A buu Beerot ngɔ siɔ Benyamin nɔ.