Samuel II, 4:11 - BAIBLO ALOO NGMAMI KLƆUKLƆU Ɔ

¹¹ Lɛɛ ke nyɛ dikali nyɛ ya gbe nɔ ko nɛ pee we yayami ko kɛ wo sa mi ngɛ lɛ nitsɛ e we mi ɔ, anɛ e sɛ kaa i yeɔ e gbenɔ ɔ he lue, nɛ ma kpata nyɛ hɛ mi kɛ je zugba a nɔ lo?”

Samuel II, 4:11 ပူးပေါင်းရင်းမြစ်များ

La 9:12

Mawu kaiɔ nɔ́ nali, nɛ e yeɔ a he lue. Ke nɔ́ nali fa kue ha Mawu ɔ, e nuɔ; e hɛ ji a nɔ.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

Habakuk 1:12

Yawɛ, mo ji Mawu kɛ je blema lokoo. Ye Mawu ji mo, o ngɛ klɔuklɔu, nɛ o ngɛ daa kɛ daa. Yawɛ ye Mawu kɛ ye yi baalɔ; mo nitsɛ nɛ o hla Babilonia bi ɔmɛ, nɛ o ha a te si wo wɔ, konɛ a nyɛ nɛ a gbla wa tue.

Habakuk 1:4

Mlaa a he wami ɔ ta, nɛ dami sane yemi be hu; yayami peeli ye dali a nɔ, nɛ daa nɛ ɔ, a plɛ dami sane yemi hɛ mi ngɔ bu si.

Yeremia 10:11

Nyɛ de mɛ ke, jamɛ a mawu ɔmɛ nɛ a ngɛ jae, nɛ pohu pi mɛ nɛ a pee hiɔwe kɛ zugba a, a hɛ mi ma kpata. A be mɛ nae ngɛ je ɔ mi he ko he ko hu.

Abɛ Womi 25:26

Dalɔ nɛ ngmɛɛɔ nɔ́ he ha yayami peelɔ ɔ, e ngɛ kaa nyu nɛ a gbidi mi, loo vu nɛ e mi nyu ɔ puɛ.

Abɛ Womi 2:22

Se yiwutsotsɛmɛ, kɛ yayami peeli lɛɛ Mawu ma kpata a hɛ mi kaa bɔ nɛ a hiaa tso ngɛ zu mi kɛ fɔɔ si ɔ.

La 109:15

Yawɛ nɛ kai a he yayami ɔmɛ daa nɛ, se mɛ nitsɛmɛ lɛɛ a ko kai mɛ gblegbleegble ngɛ zugba a nɔ.

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Mose II, 21:12

“Nɔ tsuaa nɔ nɛ maa fia nɔ ko nɔ́ nɛ nɔ ɔ ma gbo ɔ, a gbe lɛ.

Mose II, 9:15

Jinɛ be nɛ ɔ mi ɔ, i kɛ gbenɔ hiɔ sa o kɛ o ma a he momo; nɛ jinɛ a je mo kɛ je je ɔ mi momo.

Mose I, 7:23

Yawɛ kpata nɔ́ tsuaa nɔ́ nɛ ngɛ hɛ ngmengmle ngɛ je ɔ mi ɔ hɛ mi: nimli adesahi, lohwe pɛlitsɛmɛ, lohwe nane eywiɛɛywiɛtsɛmɛ, kɛ ní nɛmɛ nɛ sãã si. Noa kɛ ni nɛmɛ nɛ e kɛ mɛ ngɛ lɛ ɔ mi ɔ pɛ nɛ a piɛ.

Mose I, 6:13

Mawu de Noa ke, “I to kaa ma kpata nimli adesahi tsuo kulaa a hɛ mi, ejakaa a ha je ɔ tsuo pee kɛ yayami sɔuu. Ɛɛ, ma kpata a kɛ je ɔ tsuo a hɛ mi.

Mose I, 4:11

Zugba a mii o senɔ ɔ nɛ o gbe ɔ e muɔ ɔ. Lɔ ɔ he ɔ, a gbiɛ mo.

Samuel II, 16:8

O kpɔ Saul matsɛ yemi ɔ, se piɔ lɛɛ Yawɛ ngɛ o tue gblae ngɛ Saul we mi bimɛ babauu a muɔ si nɛ o pue ɔ he. Yawɛ ngɔ matsɛ yemi ɔ ngɔ wo o binyumu Absalom dɛ. Hyɛ, o hɛ mi kpata pɛ, ejakaa muɔ si puelɔ ji mo.”