Samuel II, 4:1 - BAIBLO ALOO NGMAMI KLƆUKLƆU Ɔ

¹ Benɛ Saul bi Ishboshet nu kaa a gbe Abner ngɛ Hebron ɔ, e nine mi je wu; nɛ Israel tsuo dɛ yaa.

Samuel II, 4:1 ပူးပေါင်းရင်းမြစ်များ

Samuel II, 17:2

Ma ya ná lɛ be mi nɛ pɔ tɔ lɛ, nɛ e nine mi je wu. Ma wo e he gbeye, kɛkɛ ma a tsuo nɛ piɛ e he ɔ maa tu fo. Ma gbe matsɛ ɔ pɛ,

Samuel II, 2:8

Se Saul tatsɛ Abner, Ner binyumu ɔ ku Saul binyumu Ishboshet kɛ tu fo kɛ po Yordan pa a kɛ ho Mahanaim ya.

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Ezra 4:4

Se nihi nɛ ngɛ zugba a nɔ ɔ wo Yuda bi ɔmɛ a he gbeye, konɛ a nine mi nɛ je wu, nɛ a ko nyɛ Mawu we ɔ nɛ a ma.

Nehemia 6:9

Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

Yesaya 13:7

Nɔ tsuaa nɔ he mi maa po, nɛ sawale maa nu lɛ.

Yesaya 35:3

Ninehi nɛ pɔ tɔ mɛ ɔ, nyɛɛ wo mɛ he wami; nɛ nakutsohi nɛ gbɔjɔ ɔ, nyɛ ha nɛ a da si kpɛii.

Yeremia 50:43

Benɛ Babilonia matsɛ ɔ nu sane nɛ ba a, e nine mi je wu. E tsui po wawɛɛ nitsɛ, nɛ e kpatu pee kaa yo nɛ nu kɔɔmi.

Yeremia 6:24

Yerusalem bi ɔmɛ ke, “Wa nu a he, nɛ wa nine mi je wu! Wa tsui po, nɛ wa pee kaa yo nɛ nu kɔɔmi nɛ e miɔ nɛ e ma fɔ.

Zefania 3:16

Be ma, nɛ a ma de Yerusalem ke, “Zion, koo ye gbeye! O kɔni nɛ ko gbo!