Samuel II, 3:9 - BAIBLO ALOO NGMAMI KLƆUKLƆU Ɔ

^9-10 Yawɛ wo David si kaa e ma kpɔ matsɛ yemi ɔ ngɛ Saul kɛ e weku kɛ nina a dɛ, nɛ e maa to David matsɛ sɛ ɔ si, konɛ e ye Israel kɛ Yuda tsuo a nɔ kɛ maa je Dan kɛ yaa si Beersheba. Lɔ ɔ he ɔ, ke i ha we nɛ nɔ́ nɛ ɔ nɛ ba mi ɔ, lɛɛ Mawu nɛ fia mi nɔ́ nɛ e gbe!”

Samuel II, 3:9 ပူးပေါင်းရင်းမြစ်များ

Samuel II, 19:13

David sɛ mɛ ke a ya de Amasa hu ke, “Ye nyɛmi tutuutu ji mo. Kɛ je mwɔnɛ ɔ kɛ yaa a, i pee mo ye tabo ɔ nyatsɛ ngɛ Yoab nane mi. Mawu nɛ fia mi nɔ nɛ e gbe ke i pee we nɔ́ nɛ ɔ!”

Samuel II, 19:14

Sɛ nɛ David kɛ mane Yuda bi ɔmɛ ɔ ha a yi mi plɛ, nɛ a pee kake. Lɔ ɔ he ɔ, a tsɔ kɛ ba de matsɛ ɔ ke, “Moo kpale o se kɛ ba kɛ o tsɔli ɔmɛ tsuo.”

Samuel II, 3:35

Ma a nyɛ David nɔ ligbi ɔ tsuo ke e ye nɔ́ ko. Se David ka kita nɛ e de ke, “Ke i wo ye nya mi nɔ́ ko loko pu nɔ si ɔ, Mawu nɛ fia mi nɔ́ nɛ e gbe!”

Matsɛmɛ I, 19:2

Yezebel tsɔ ya de Eliya ke, “Hwɔɔ be nɛ ɔ mi ke i pee we mo kaa bɔ nɛ o pee ye gbali ɔmɛ fii, lɛɛ mawu ɔmɛ nɛ a fia mi nɔ́ nɛ a gbe.”

Matsɛmɛ I, 2:23

Jehanɛ Matsɛ Salomo ka Yawɛ kita nɛ e de ke, “I na Mawu kaa ke Adoniya kɛ e wami ha we ngɛ munyu nɛ e tu nɛ ɔ he fii, Mawu nɛ gbe mi!

Kronika I, 12:23

Benɛ David ngɛ Hebron ɔ, ta buli nɛ a je blɔ tsɔse mɛ babauu ya piɛ e he ngɛ lejɛ ɔ, konɛ a kpɔ matsɛ yemi ɔ ngɛ Saul dɛ kɛ ha lɛ kaa bɔ nɛ Yawɛ de to ɔ. Bɔ nɛ a hiɛmi ngɛ ha ji nɛ ɔmɛ nɛ. Yuda: ta buli 6,800. A mia saminya, nɛ a hɛɛ tsɛ̃i kɛ akplɔ; Simeon: ta buli 7,100 nɛ a je blɔ tsɔse mɛ; Levi: ta buli 4,600; Yehoyada se nyɛɛli nɛ ji Aaron nina: ta buli 3,700; Niheyo katsɛ ko nɛ a tsɛɛ lɛ Zadok ɔ kɛ e nyɛmimɛ: asafoatsɛmɛ 22; Benyamin (Saul nitsɛ e wɛtso ɔ): ta buli 3,000 (Benyamin bi ɔmɛ a ti nihi babauu ngɛ Saul se kɛ mwɔɔ); Efraim: ta buli katsɛmɛ nɛ he biɛ ngɛ a weku ɔmɛ a mi 20,800; Manase wɛtso fa a: ta buli 18,000 nɛ a je blɔ hla mɛ ke a ya nɛ a ya wo David matsɛ ɔ; Isakar: asafoatsɛmɛ 200 kɛ a we bi ngɛ a sisi, (Kikɛmɛ a asafoatsɛmɛ nɛ ɔmɛ le nɔ́ nɛ sa kaa Israel nɛ a pee, kɛ be tutuutu nɛ sa nɛ a pee); Zebulun: ta buli 50,000 nɛ le ta hwumi saminya, kɛ ta hwumi níhi saisaa a he ní tsumi. A le ta gbami saminya, nɛ a yi mi pee we mɛ enyɔɔnyɔ; Naftali: asafoatsɛmɛ 1,000 kɛ a we bi 37,000 nɛ hɛɛ tsɛ̃i kɛ akplɔ; Dan: ta buli 28,600 nɛ a je blɔ tsɔse mɛ; Asher: ta buli 40,000 nɛ a le ta gbami saminya; Wɛtsohi nɛ je Yordan pa a se, nɛ ji Ruben, Gad, kɛ Manase wɛtso fa a: ta buli 120,000 nɛ le ta hwumi ní slɔɔtohi a he ní tsumi.

Rut Womi 1:17

He nɛ o ma gbo ngɛ ɔ, lejɛ ɔ ma gbo ngɛ, nɛ lejɛ ɔ nɔuu a maa pu mi ngɛ. Ja gbenɔ pɛ lɛ ma ha nɛ ma si mo; ke pi ja lɛɛ Yawɛ kɛ mi nɛ ye sisiisi.”

Samuel I, 14:44

Saul de lɛ ke, “Yonatan, ja o gbo; ke a gbi mo fii, Mawu kɛ mi nɛ e ye!”

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.

Samuel I, 25:22

I na Mawu, benɛ je ke e naa a, ke nyumu kake ngmelu piɛ ngɛ e we bi ɔmɛ a kpɛti fii!”

Samuel I, 28:17

Nɔ́ nɛ Yawɛ gu ye nɔ de mo ɔ, lɔ ɔ e pee nɛ ɔ nɛ. Yawɛ kpɔ matsɛ yemi ɔ ngɛ o dɛ nɛ e kɛ ha o he nɔ David.

Samuel I, 3:17

Eli bi lɛ ke, “Mɛni Yawɛ de mo ɔ? De mi nɔ́ tsuaa nɔ́. Ke o laa mi ba a, Mawu maa gbla o tue!”