Samuel II, 3:39 - BAIBLO ALOO NGMAMI KLƆUKLƆU Ɔ

³⁹ Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Samuel II, 3:39 ပူးပေါင်းရင်းမြစ်များ

Samuel II, 16:10

Se matsɛ ɔ de Abishai, kɛ e nyɛminyumu Yoab ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he? Ke Yawɛ nɛ de lɛ ke e gbiɛ mi, nɛ e ngɛ mi gbiɛe ɔ, mɛnɔ ngɛ he blɔ nɛ e biɔ ke mɛni he je e ngɛ ja pee lo?”

Samuel II, 19:13

David sɛ mɛ ke a ya de Amasa hu ke, “Ye nyɛmi tutuutu ji mo. Kɛ je mwɔnɛ ɔ kɛ yaa a, i pee mo ye tabo ɔ nyatsɛ ngɛ Yoab nane mi. Mawu nɛ fia mi nɔ nɛ e gbe ke i pee we nɔ́ nɛ ɔ!”

Samuel II, 19:22

Se David de ke, “Nyɛ Zeruya bimɛ, mɛni sane nɛ ɔ kɔɔ ngɛ nyɛ he, loko nyɛ ngɛ hlae nɛ nyɛɛ doo ye nya mwɔnɛ ligbi nɛ ɔ? Anɛ e sa kaa a gbe nɔ ko ngɛ Israel mwɔnɛ ligbi nɛ ɔ lo? Anɛ i li kaa mwɔnɛ ligbi nɛ ɔ, imi ji matsɛ ngɛ Israel lo?”

Samuel II, 3:38

Jehanɛ, matsɛ ɔ de e tsɔli ɔmɛ ke, “Nyɛ ná nɛ nyɛɛ le kaa ganɔ kɛ nɔmlɔ nguaa ko nɔ ngɛ Israel mwɔnɛ ligbi nɛ ɔ.

Matsɛmɛ I, 2:32

Yawɛ maa wo Yoab hiɔ ngɛ nihi nɛ e gbe nɛ tsaatsɛ David li he nɔ́ ko ɔ a he. Yoab gbe nyumuhi enyɔ nɛ a da pe lɛ yaka gu. Mɛ ji Israel tatsɛ Abner, Ner binyumu ɔ, kɛ Yuda tatsɛ Amasa, Yeter binyumu ɔ.

Matsɛmɛ I, 2:9

Se kɛ̃ ɔ, ko ha nɛ e ye e he. Ní lelɔ ji mo, nɛ o le nɔ́ nɛ sa nɛ o pee; hyɛ nɛ a gbe lɛ.”

Kronika I, 22:5

David de e he ke, “We ɔ nɛ ye bi Salomo ma ba ma ha Yawɛ ɔ, e sa nɛ e kle agbo, nɛ́ e he biɛ ngɛ je ɔ mi tsuo. Se ye bi ɔ, jokuɛyo ji lɛ, nɛ e hɛ mi fa we lolo. Lɔ ɔ he ɔ, e hia kaa imi nitsɛ ma bɔni níhi a nya buami kɛ to nyɔngloo.” Enɛ ɔ he je ɔ, David bua tsu mami níhi babauu nya loko e gbo.

Kronika I, 29:1

Matsɛ David de ma kpekpemi ɔ tsuo ke, “Ye bi Salomo nɔ kake too nɛ Mawu hla a, jokuɛyo ji lɛ; e kpa we níhi a si lolo. Ní tsumi ɔ yi gbo; ejakaa pi nimli a mɔ nɛ a yaa mami ɔ, se Yawɛ Mawu ɔ nitsɛ e we.

Kronika II, 13:7

Pee se ɔ, e bua yaka nimli komɛ a nya, nɛ e kɛ mɛ ya na Salomo binyumu Rehoboam. A nyɛ e nɔ nɛ e pee a suɔmi nya ní. Rehoboam nyɛ we mɛ, ejakaa e wɛ, nɛ e kpa we je mi si lolo.

La 101:8

I kɛ yayami peeli be bɔe kɔkɔɔkɔ kɛ yaa si ma fie mɛ tsuo kɛ je Yawɛ ma a mi.

La 28:4

Gbla a tue ngɛ a ní peemi ní ɔmɛ a he; gbla a tue ngɛ a yi wu tso ní ɔmɛ a he; wo mɛ hiɔ bɔ nɛ sa mɛ pɛ.

La 62:12

E de hu ke lɛ Nyɔmtsɛ ɔ, e suɔmi ɔ ngɛ daa. Ee, mo Nyɔmtsɛ nitsɛ lɛ o woɔ nɔ tsuaa nɔ hiɔ bɔ nɛ sa e ní tsumi.

La 7:16

E musu maa tloo lɛ nitsɛ; lɛ nitsɛ e yayami ɔ maa ye lɛ awi.

La 75:10

E maa ba nimli yayamihi a he wami ɔ si; se nimli kpakpahi lɛɛ e ma ha nɛ a na he wami kɛ bɔ he.

Mose II, 21:12

“Nɔ tsuaa nɔ nɛ maa fia nɔ ko nɔ́ nɛ nɔ ɔ ma gbo ɔ, a gbe lɛ.

Abɛ Womi 20:8

Ke matsɛ ngɛ kojoe ɔ, e hɛngmɛ e kɛ dlaa nɔ́ yaya.

Abɛ Womi 25:5

Ke a je nimli yayamihi kɛ je matsɛ ga woli a kpɛti ɔ, dami sane yemi yaa nɔ saminya ngɛ matsɛ ɔ nɔ yemi he ɔ.

Yesaya 3:11

Se yayami peeli lɛɛ musu tloo mɛ; yayami nɛ a pee ní kpahi ɔ, jehanɛ, a ma ngɔ pee mɛ nitsɛmɛ.

Yesaya 7:4

De lɛ ke e ko ye Matsɛ Rezin, kɛ Siria bi ɔmɛ, kɛ Matsɛ Peka gbeye. A mi mi fumi ɔ ngɛ kaa la tso enyɔ nɛ a ngɛ tsoe tikɔɔ kɛkɛ.

Yeremia 38:5

Matsɛ Zedekia de mɛ ke, “Saminya! E ngɛ nyɛ dɛ mi; nɔ́ tsuaa nɔ́ nɛ nyɛ suɔ kaa nyɛ maa pee lɛ ɔ, nyɛɛ pee lɛ. I be nyɛe ma tsi nyɛ nya.”

Daniel 6:16

Lɔ ɔ he ɔ, matsɛ ɔ fa e tsɔli ɔmɛ, nɛ a ya nu Daniel, nɛ a sake lɛ kɛ fɔ jatahi a muɔ mi. Matsɛ Darius de Daniel ke, “O Mawu ɔ nɛ o sɔmɔɔ lɛ daa a, e je mo!”

Mose IV, 32:23

Se ke nyɛ yi nyɛ si womi ɔ nɔ ɔ, lɛɛ nyɛ na nɛ nyɛɛ le kaa nyɛ pee yayami kɛ si Yawɛ; nɛ bɔ tsuaa bɔ nɛ pee ɔ, nyɛ ma na nyɛ yayami ɔ he tue gblami.

Romabi 13:4

Mawu tsɔlɔ ji lɛ, nɛ e ní tsumi ji kaa e hyɛ nɛ e hi ha mo. Se ke o pee yayami ɔ, lɛɛ o ye nɔ yelɔ ɔ gbeye; ejakaa a ha we lɛ blɔ nya nɛ ɔ yaka. Mawu tsɔlɔ ji lɛ; nɛ nihi nɛ peeɔ yayami ɔ, e kɛ mi mi la gblaa a tue ngɛ Mawu nane mi.

2 Timoteo 4:14

Aleksandro, sɔlɔ ɔ ye mi sane yaya ko; nɔ́ yeyee nɛ e pee mi ɔ, Nyɔmtsɛ ɔ nɛ wo lɛ hiɔ.

Manyadali 9:57

Jehanɛ hu, yi wu tso níhi nɛ Shekem bi ɔmɛ pee ɔ, Mawu ha lɛ tsuo kpale bu mɛ nitsɛmɛ a yi mi; nɛ Yerubaal binyumu Yotam gbiɛmi ɔ ba a nɔ.