Samuel II, 3:32 - BAIBLO ALOO NGMAMI KLƆUKLƆU Ɔ

³² Benɛ a ya pu Abner ngɛ Hebron ɔ, matsɛ ɔ fo ya yuuyuuyuu ngɛ yɔkɔ ɔ he; nɛ ma a tsuo wo yana kɛ piɛ e he.

Samuel II, 3:32 ပူးပေါင်းရင်းမြစ်များ

Samuel II, 1:12

A wo yana, nɛ a ye kɔmɔ, nɛ a ha hwɔ kɛ ya si gbɔkuɛ. A wo yana kɛ ha Saul kɛ e bi Yonatan, kɛ Israel, Yawɛ ma a; ejakaa nimli babauu gbo ngɛ ta a mi.

Samuel II, 18:33

Kɛkɛ nɛ matsɛ ɔ hɛ dɔ, nɛ e kuɔ kɛ ho e se tsu ɔ mi ya ngɛ agbo ɔ yi mi nɛ e ya fo ya. Benɛ e yaa a, e ngɛ ya foe nɛ e ngɛ dee ke, “Ao, ye bi ɔ! Ye bi Absalom! Ye bi Absalom! I na nɛ imi mohu i gbo ngɛ o nane mi. Absalom, ye bi, ye bi!”

Samuel II, 4:12

Kɛkɛ nɛ David fa e we bi ɔmɛ nɛ a gbe Rekab kɛ Baana; a poo a ninehi kɛ a nanehi, nɛ a ngɔ mɛ ngɔ kpla si ngɛ Hebron taku ɔ kasa nya. Se Ishboshet yi ɔ lɛɛ a ya pu ngɛ Abner yɔkɔ ɔ mi ngɛ Hebron.

Hiob 31:28

Nɔ́ nɛ ɔ hu maa pee yayami nɛ sa kaa kojoli nɛ a gbla nɔ tue ngɛ he. Ke i pee ja a, kɛkɛ i kua Mawu nɛ ngɛ hiɔwe ɔ.

Hiob 31:29

Ke haomi ba ye he nyɛlɔ nɔ, aloo ye he nyɛlɔ hɛ mi kpata a, i nya we.

Abɛ Womi 24:17

Ke o he nyɛlɔ tɛ nɔ́, loo e nɔ si ɔ, ko nya.

Samuel I, 30:4

Kɛkɛ nɛ David kɛ e we bi ɔmɛ wo yana hluu kɛ ya si a he wami ta.