Samuel II, 3:31 - BAIBLO ALOO NGMAMI KLƆUKLƆU Ɔ

³¹ David fa Yoab kɛ e we bi ɔmɛ ke, “Nyɛ hía tade ɔmɛ ngɛ nyɛ he, nɛ nyɛ bu kpekpe ya bo kɛ nyɛ ya, nɛ nyɛɛ wo yana ha Abner.” Matsɛ David nitsɛ nyɛɛ gbogboe ɔ se.

Samuel II, 3:31 ပူးပေါင်းရင်းမြစ်များ

Mose I, 37:34

Kɛkɛ nɛ Yakob kɛ aywilɛho hía e he tade ɔmɛ, nɛ e bu kpekpe ya bo; nɛ e nyɛ ya ha e bi ɔ ligbi babauu.

Samuel II, 1:11

Kɛkɛ nɛ David kɛ aywilɛho hía tade ɔ ngɛ e he, nɛ e we bi ɔmɛ tsuo pee ja nɔuu.

Samuel II, 1:2

Ligbi etɛne ɔ, nyumu ko je Saul ta a mi kɛ ba. E hía e tade ɔmɛ ngɛ e he, nɛ e ngɔ zu ngɔ pue e yi mi kɛ tsɔɔ kaa e ngɛ kɔmɔ yee. E ba David ngɔ, nɛ e kɛ bumi ba kpla si ngɛ e hɛ mi.

Manyadali 11:35

Benɛ Yefta na lɛ ɔ, e kɛ aywilɛho hía e tade ɔmɛ, nɛ e de ke, “Akuanyɛ! Ye biyo, o tsɔ ye tsui kpa! Hyɛ amanehlu nɛ o kɛ ba ye nɔ! I wo Yawɛ si, nɛ i be nyɛe ma kpale ye nya se.”

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Luka 7:14

Kɛkɛ nɛ e ho nɛ e ya pɛtɛ daka a he, nɛ nihi nɛ hɛɛ daka a da si. Jehanɛ ɔ, Yesu de ke, “Niheyo, i ngɛ mo dee ke, tee si!”

Matsɛmɛ II, 19:1

Benɛ Matsɛ Hezekia nu amaniɛ ɔ, e kɛ aywilɛho hía e tade ɔmɛ. E bu kpekpe ya bo, nɛ e ho Yawɛ we ɔ mi ya.

Mose I, 37:29

Benɛ Ruben kpale e se kɛ ba muɔ ɔ he, nɛ e na kaa Yosef be muɔ ɔ mi ɔ, e kɛ aywilɛho hía e he tade ɔmɛ kɛ tsɔɔ kaa e hao lɛ.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Matsɛmɛ I, 20:31

E tsɔli ɔmɛ ya de lɛ ke, “Wa nu kaa Israel matsɛmɛ ɔmɛ naa mɔbɔ. Lɔ ɔ he ɔ, ha nɛ waa ngɔ kpekpe ya bo kɛ muɔ wa mlɛ mi, nɛ waa ngɔ tangme ngɔ wo wa kuɛ, nɛ waa ya Israel matsɛ ɔ ngɔ kaa, alini e ma he o yi wami lo.”

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Matsɛmɛ II, 19:2

E tsɔ Eliakim, matsɛ we ɔ nɔ hyɛlɔ ɔ, kɛ Shebna, matsɛ pɛdiyo ɔ, kɛ osɔfo nikɔtɔma amɛ kɛ ya gbalɔ Yesaya, Amoz binyumu ɔ ngɔ. Mɛ hu a bu kpekpe ya bo.