Samuel II, 3:18 - BAIBLO ALOO NGMAMI KLƆUKLƆU Ɔ

¹⁸ Jehanɛ lɛɛ be ɔ su; nyɛ tsu he ní. Nyɛ kai kaa Yawɛ wo David si ke, ‘Ma gu ye tsɔlɔ David nine nɔ kɛ kpɔ ye ma, Israel kɛ je Filisti bi ɔmɛ, kɛ a he nyɛli ɔmɛ tsuo a dɛ mi.’ ”

Samuel II, 3:18 ပူးပေါင်းရင်းမြစ်များ

Samuel II, 3:9

Yawɛ wo David si kaa e ma kpɔ matsɛ yemi ɔ ngɛ Saul kɛ e weku kɛ nina a dɛ, nɛ e maa to David matsɛ sɛ ɔ si, konɛ e ye Israel kɛ Yuda tsuo a nɔ kɛ maa je Dan kɛ yaa si Beersheba. Lɔ ɔ he ɔ, ke i ha we nɛ nɔ́ nɛ ɔ nɛ ba mi ɔ, lɛɛ Mawu nɛ fia mi nɔ́ nɛ e gbe!”

Samuel II, 8:6

David to tabohi a hi hehi ngɛ Damasko; nɛ Siria bi ɔmɛ ba plɛ pee David sɔmɔli, nɛ a tsuɔ tó kɛ haa lɛ. Yawɛ ha nɛ David ye kunimi ngɛ he tsuaa he.

Samuel I, 13:14

Se amlɔ nɛ ɔ lɛɛ o matsɛ yemi ɔ be si dae. Yawɛ hla lɛ nitsɛ e tsui nya nɔmlɔ, nɛ e wo lɛ ganɔ ngɛ e ma a nya; ejakaa o yi mlaa nɛ e wo mo ɔ nɔ.”

Samuel I, 15:28

Nɛ Samuel de lɛ ke, “Yawɛ hía Israel matsɛ yemi ɔ kɛ je o he mwɔnɛ ɔ, nɛ e ngɔ kɛ ha o nyɛmi ko nɛ hi pe mo.

Samuel I, 16:1

Yawɛ bi Samuel ke, “Mɛni be o maa ye Saul he kɔmɔ kɛ yaa si? O nɛ kaa i kua lɛ kaa matsɛ ngɛ Israel lo? Wo o koli ɔ mi nu nɛ e hyi tɔ, nɛ ma tsɔ mo Betlehem no, Ishai ɔ ngɔ; ejakaa i hla ye matsɛ ɔ kɛ je e binyumu ɔmɛ a kpɛti.”

Samuel I, 9:16

“Hwɔɔ, maa pee be nɛ ɔ mi ɔ, ma tsɔ nyumu ko nɛ je Benyamin wɛtso ɔ mi kɛ ba o ngɔ. Moo pɔ lɛ nu nɛ e ba ye ganɔ ngɛ ye ma, Israel ɔ nya, nɛ e kpɔ mɛ kɛ je Filisti bi ɔmɛ a dɛ mi, ejakaa i na a nɔ nami ɔ, nɛ i nu a kue fami ɔ hulɔ.”