Samuel II, 3:16 - BAIBLO ALOO NGMAMI KLƆUKLƆU Ɔ

¹⁶ Paltiel fo ya kɛ nyɛɛ yo ɔ se hluu kɛ ya su Bahurim tɔɔ. Se Abner de lɛ ke, “Kpale o se esɔesɔ!” Nɛ e kpale e se.

Samuel II, 3:16 ပူးပေါင်းရင်းမြစ်များ

Samuel II, 16:5

Benɛ David ba su Bahurim ɔ, Gara binyumu Shimei, Saul weku no ɔ kɛ lɛ ba kpe; benɛ e ma a tsuo, e ngɛ David gbiɛe.

Samuel II, 17:18

Se ligbi ko ɔ, niheyo ko na mɛ, nɛ e ya de Absalom. Lɔ ɔ he ɔ, mɛ ni enyɔ ɔmɛ tsuo a je lejɛ ɔ mla kɛ ho nyumu ko we mi ya ngɛ Bahurim. Nyumu ɔ ngɛ vu ko ngɛ kpo ɔ nɔ, nɛ a ya sɛ mi.

Samuel II, 19:16

Jamɛ a be ɔ nɔuu ɔ, Benyamin no ɔ nɛ a tsɛɛ lɛ Shimei, nɛ ji Gera nɛ je Bahurim binyumu ɔ he sɔ nɛ e kɛ Yuda bi ɔmɛ ho, nɛ lɛ hu e ya kpee Matsɛ David.

Samuel II, 19:17

Nyumuhi akpe nɛ je Benyamin wɛtso ɔ mi ɔ piɛ e he kɛ ho. Ziba nɛ ji tsɔlɔ ngɛ Saul we ɔ mi ɔ, lɛ hu e kɛ e bimɛ nyɔngma kɛ enuɔ ɔmɛ, kɛ e tsɔli nyingmi enyɔ ɔmɛ ho Yordan pa a nya ya loko matsɛ ɔ ya su lejɛ ɔ.

Samuel II, 3:15

Lɔ ɔ he ɔ, Ishboshet tsɔ ya kpaka yo ɔ kɛ je e huno Paltiel, Laish bi ɔ ngɔ kɛ ba.

Matsɛmɛ I, 2:8

“Jehanɛ, Gera binyumu Shimei nɛ je Bahurim ma a mi ngɛ Benyamin wɛtso ɔ mi ɔ hu ngɛ. Lɛ ji nɔ nɛ gbiɛ mi kadikadi ligbi ɔ nɛ i ya Mahanaim ɔ nɛ. Se benɛ e kɛ mi ba kpe ngɛ Yordan pa a nya a, i ka lɛ kita ngɛ Yawɛ biɛ mi ke i be lɛ gbee.

Yeremia 41:6

Ishmael, Netania bi ɔ je Mizpa ya kpee mɛ; benɛ e yaa a tsuo, e ngɛ ya foe ngɛ blɔ ɔ nɔ. Benɛ e kɛ mɛ ya bua a, e de mɛ ke, “Nyɛɛ ba waa ho Ahikam bi Gedalia ngɔ ya.”