Samuel II, 3:14 - BAIBLO ALOO NGMAMI KLƆUKLƆU Ɔ

¹⁴ David tsɔ ke a ya de Saul bi Ishboshet hu ke, “Moo kpale ye yo Mikal ɔ ba ha mi; Filisti bi a mɔmlɔtɔ lafa kake nɛ i kɛ pee e he ní.”

Samuel II, 3:14 ပူးပေါင်းရင်းမြစ်များ

Samuel II, 2:10

Saul bi Ishboshet ye jeha nyingmi eywiɛ benɛ e bɔni Israel nɔ matsɛ yemi, nɛ e ye matsɛ jeha enyɔ. Se Yuda wɛtso ɔ lɛɛ a nyɛɛ David se.

Samuel II, 3:15

Lɔ ɔ he ɔ, Ishboshet tsɔ ya kpaka yo ɔ kɛ je e huno Paltiel, Laish bi ɔ ngɔ kɛ ba.

Samuel II, 6:16

Benɛ daka a ba su David ma a mi ɔ, Mikal, Saul biyo ɔ je e hɛ mi kpo ngɛ saflɛ mi nɛ e na Matsɛ David nɛ e ngɛ tuue nɛ e ngɛ doe kɛ ngɛ Yawɛ hɛ mi nyami woe; nɛ David he pee lɛ tai.

Mateo 1:18

Jehanɛ ɔ, bɔ nɛ Yesu Kristo fɔmi ɔ ba ha ji nɛ ɔ nɛ. Yosef ya bi Yesu nyɛ Maria si, se e na we nɛ e kɛ lɛ ba hi si lolo nɛ a na kaa Maria hɛɛ hɔ kɛ je Mumi Klɔuklɔu ɔ mi.

Samuel I, 18:25

Saul fa mɛ ke a ya de David ke, “Matsɛ ɔ hla we yo se ní kpa ko pe Filisti bi a mɔmlɔtɔ lafa kɛkɛ nɛ e kɛ ye he nyɛli ɔmɛ a he lue.” Saul to kikɛmɛ a ga nɛ ɔ bɔ nɛ pee nɛ Filisti bi ɔmɛ a nine nɛ su David nɔ nɛ a gbe lɛ.

Samuel I, 18:27

David kɛ e we bi ɔmɛ ya gbe Filisti bi lafa enyɔ. David ngɔ a mɔmlɔtɔ ɔmɛ kɛ ho nɛ e ya kane mɛ sisiisi kɛ ha matsɛ ɔ, konɛ e na he blɔ nɛ e pee e ngatsɛ. Lɔ ɔ he ɔ, Saul kɛ e biyo Mikal ha David.

Samuel I, 25:44

David yo Mikal lɛɛ e tsɛ Saul ngɔ lɛ ngɔ ha Laish binyumu Palti nɛ je Galim ɔ.