Samuel II, 3:12 - BAIBLO ALOO NGMAMI KLƆUKLƆU Ɔ

¹² Abner tsɔ kɛ ya Hebron he nɛ David ngɛ ɔ ke a ya bi lɛ ke, “Zugba a, mɛnɔ lɛ yeɔ nɔ?” E ya nɔ nɛ e de ke, “Mo ha nɛ waa so somi ko, nɛ ma piɛ o he kɛ gbla Israel tsuo kɛ ba o ngɔ.”

Samuel II, 3:12 ပူးပေါင်းရင်းမြစ်များ

Samuel II, 19:14

Sɛ nɛ David kɛ mane Yuda bi ɔmɛ ɔ ha a yi mi plɛ, nɛ a pee kake. Lɔ ɔ he ɔ, a tsɔ kɛ ba de matsɛ ɔ ke, “Moo kpale o se kɛ ba kɛ o tsɔli ɔmɛ tsuo.”

Samuel II, 19:41

Pee se ɔ, Israel bi ɔmɛ tsuo ba matsɛ ɔ ngɔ nɛ a ba bi lɛ ke, “Mɛni he je wa nyɛmimɛ Yuda bi ɔmɛ ya ju mo, nɛ a ngɔ mo, kɛ o we ɔ ltsuo, kɛ o we bi ɔmɛ kɛ po Yordan pa a?”

Samuel II, 19:6

ejakaa o suɔ nihi nɛ nyɛɛ mo, nɛ o nyɛɛ ni nɛmɛ nɛ suɔ mo mohu. O tsɔɔ paa mwɔnɛ ɔ kaa o tatsɛmɛ ɔmɛ, kɛ o tabo ɔmɛ ɔ, a pi ni komɛ kulaa ha mo; ejakaa i kpa si mwɔnɛ ɔ kaa e ji Absalom yi na wami, nɛ wɔ tsuo wa gbo jinɛ e ko ngɔ o nya.

Samuel II, 3:11

Ishboshet nyɛ we nɛ e de Abner nɔ kpa ko hu; ejakaa e ye lɛ gbeye.

Samuel II, 3:13

Heto nɛ David ha kɛ mane ji, “Saminya! I kɛ mo maa so somi nɛ ɔ. Se nɔ́ nɛ i ngɛ hlae nɛ o pee ha mi ji kaa ke o ma a, o kpaka Saul biyo Mikal ba ha mi. Ke pi ja a, lɛɛ i hla we nɛ ma na o hɛ mi.”

Samuel II, 3:21

Abner de David ke, “Jehanɛ, i yaa nɛ ma ya bua Israel ma a tsuo nya kɛ ba mo, ye nyɔmtsɛ matsɛ o ngɔ. A maa kplɛɛ nɛ o ye a nɔ matsɛ; kɛkɛ o nine maa su nɔ́ nɛ o ngɛ hlae ɔ nɔ, nɛ o maa ye zugba a tsuo nɔ.” Enɛ ɔ se ɔ, David wo Abner blɔ; nɛ e ho ngɛ he jɔmi mi.

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Samuel II, 3:38

Jehanɛ, matsɛ ɔ de e tsɔli ɔmɛ ke, “Nyɛ ná nɛ nyɛɛ le kaa ganɔ kɛ nɔmlɔ nguaa ko nɔ ngɛ Israel mwɔnɛ ligbi nɛ ɔ.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.