Samuel II, 3:1 - BAIBLO ALOO NGMAMI KLƆUKLƆU Ɔ

¹ Ta nɛ Saul we ɔ, kɛ David we ɔ hwu ɔ, ta a se kɛ saminya. Be mi nɛ David he wami ngɛ nɔ puee ɔ, Saul we ɔ lɛɛ a he wami nɔ ngɛ gbɔe kulaa.

Samuel II, 3:1 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Samuel II, 2:17

Enɛ ɔ se ɔ, a hwu ta nguaa ko jamɛ a ligbi ɔ, nɛ David kɛ e tsɔli ɔmɛ ye Abner kɛ Israel bi ɔmɛ a nɔ.

Samuel II, 2:28

Kɛkɛ nɛ Yoab kpa titimati nɛ e we bi ɔmɛ tsuo jɔɔ Israel bi ɔmɛ a se nyɛɛmi; nɛ ta a se po.

Samuel II, 22:44

O je mi kɛ je ye ma mi bi atuã tsɔli a dɛ mi; o baa ye yi, nɛ i ba pee je ma amɛ a nyatsɛ. Mahi nɛ i li mɛ po ba plɛ pee ye sɔmɔli.

Samuel II, 3:6

Benɛ Saul we ɔ, kɛ David we ɔ ngɛ ta hwue ɔ, Abner ba na blɔ nya ngɛ Saul we ɔ.

Samuel II, 5:10

David ya nɔ wawɛɛ nitsɛ; ejakaa Yawɛ Tabohiatsɛ Mawu ɔ kɛ lɛ ngɛ.

Matsɛmɛ I, 14:30

Rehoboam kɛ Yeroboam kpɛti jɔɛ; daa nɛ ɔ, a ngɛ ta nɔ.

Matsɛmɛ I, 15:16

Yuda matsɛ, Asa, kɛ Israel matsɛ, Baasha a kpɛti jɔɛ a wami be ɔ tsuo; daa nɛ ɔ, a ngɛ ta nɔ.

Matsɛmɛ I, 15:32

Yuda matsɛ, Asa, kɛ Israel matsɛ, Baasha a kpɛti jɔɛ a wami be ɔ tsuo; daa nɛ ɔ, a ngɛ ta nɔ.

Kronika I, 11:9

David ya nɔ wawɛɛ nitsɛ, ejakaa Yawɛ Tabohiatsɛ ɔ kɛ lɛ ngɛ.

Kronika I, 3:1

David binyumuhi nɛ a fɔ ha lɛ ngɛ Hebron ɔ, a biɛhi ngɛ a wami nya ji, Amnon, Yezreel yo Ahinoam bi ɔ Daniel, Karmel yo Abigail bi ɔ Absalom, Geshur matsɛ, Talmai biyo Maaka bi ɔ Adoniya, Hagit bi ɔ Shefatia, Abital bi ɔ Itream, Egla bi ɔ.

Ester 6:13

E de e yo, Zeresh, kɛ e huɛmɛ ɔmɛ tsuo níhi nɛ ba e nɔ ɔ. Kɛkɛ nɛ e yo ɔ, kɛ e huɛmɛ ní leli ɔmɛ de Haman ke, “Mordekai bɔni o he wami kpɔmi. Yuda no ji lɛ, lɔ ɔ he ɔ, o be lɛ nyɛe. Bɔ tsuaa bɔ nɛ pee ɔ, e maa ye o nɔ.”

Ester 9:4

Mordekai ba pee nɔmlɔ ngua ngɛ matsɛ we ɔ, nɛ e biɛ pɛ ngɛ nɔ yemi he ɔmɛ tsuo; ejakaa blɔ nya nɛ e hɛɛ ɔ ngɛ nɔ kuɔe, nɛ e nɔ gbɔ we gblee.

Hiob 17:9

Se bɔ tsuaa bɔ nɛ pee ɔ, dalɔ hii e blɔ nɔ kɛ̃. Nɔmlɔ nɛ yayami ko be e he ɔ, e naa he wami he ekohu.

Hiob 8:7

Hwɔɔ se ɔ, Mawu ma ha mo ní babauu nɛ maa hiɛ kulaa pe kekle nɔ́ ɔ.

La 18:43

O je mi kɛ je atuã tsɔli a dɛ mi, nɛ o pee mi je ma amɛ a nyatsɛ. Ma nɛ i li mɛ po ma ba sɔmɔ mi.

La 46:9

E haa ta se poɔ ngɛ je ɔ mi tsuo; e kuɔ kɛ̃ɛ̃hi, kɛ akplɔhi a mi, nɛ e kɛ la sãã ta zugba lɛhi!

La 84:7

Pɔ tɔɛ mɛ; mohu ɔ, a naa he wami he, nɛ a nyɛɛɔ kɛ ya suu Mawu hɛ mi tɔɔ ngɛ Zion.

Galatabi 5:17

Ejakaa nɔ́ nɛ nɔmlɔ tso ɔ suɔ ɔ, pi lɔ ɔ nɛ mumi ɔ suɔ; nɛ nɔ́ nɛ mumi ɔ suɔ ɔ, pi lɔ ɔ nɛ nɔmlɔ tso ɔ suɔ. Nɔ́ enyɔ nɛ ɔmɛ kɛ a he yi. Enɛ ɔ tsɔɔ kaa nyɛ be nyɛe maa pee nyɛ nitsɛmɛ nyɛ suɔmi nya ní.

Efesobi 6:12

Ejakaa pi he lo kɛ muɔ nɛ waa kɛ ngɛ ta hwue ɔ. He nyɛli nɛ waa kɛ mɛ ngɛ ta hwue ɔ ji nɔ yeli, kɛ nihi nɛ hɛɛ blɔ nyahi, mumi yayami kpetekpleenyɛhi nɛ ngɛ je nɛ ɔ mi diblii ɔ mi, kɛ mumihi nɛ ngɛ kɔɔhiɔ mi nɛ peeɔ yi wu tso níhi.

Kpojemi 6:2

Benɛ i ke i hyɛɛ ɔ, nyumu ko ji nɛ ɔ nɛ hii si ngɛ okpɔngɔ hiɔ ko nɔ kɛ e dɛ mi kɛ̃ɛ̃. A ha lɛ jlasi, nɛ e je kpo kaa kunimi yelɔ nɛ yaa nɛ e ya ye kunimi.