Samuel II, 24:7 - BAIBLO ALOO NGMAMI KLƆUKLƆU Ɔ

⁷ A nyɛɛ hluu kɛ ya su Tiro ma a nɛ a fia gbogbo kɛ bɔle lɛ ɔ, kɛ Hiv bi, kɛ Kanaan bi a ma amɛ tsuo a mi. Nyagbe ɔ, a ya su Beersheba, ngɛ Yuda leneyi je.

Samuel II, 24:7 ပူးပေါင်းရင်းမြစ်များ

Samuel II, 24:2

Lɔ ɔ he ɔ, matsɛ ɔ de e tatsɛ Yoab, kɛ asafoatsɛmɛ ɔmɛ nɛ piɛ e he ɔ ke, “Nyɛɛ ya nɛ nyɛ ya kpa Israel wɛtso ɔmɛ tsuo a nɔ kɛ je Dan hluu kɛ yaa si Beersheba, nɛ nyɛɛ kane ni ɔmɛ, konɛ ma le ma a yibɔ.”

Samuel II, 24:8

Benɛ a ya kpa zugba a tsuo nɔ ɔ, a kpale kɛ ba Yerusalem nyɔhiɔ nɛɛ kɛ ligbi nyingmi enyɔ se.

Zakaria 9:3

Tiro fia gbogbo kɛ wo e he kulaa kɛ kpe; e bua sika hiɔ nya glekugleku kaa zu, nɛ e sika tsu hu hiɛ kaa kuku nɔ dwɔmi.

Yoshua 11:3

Jehanɛ, e tsɔ ya de Kanaan bi ɔmɛ nɛ ngɛ Yordan pa a kpo he hiɛ kɛ hiɛ, kɛ Amor bi ɔmɛ, Hit bi ɔmɛ, Periz bi ɔmɛ, Yebus bi ɔmɛ nɛ a ngɛ yo ɔmɛ a nɔ ɔ, kɛ Hiv bi ɔmɛ nɛ ngɛ Hermon yo ɔ sisi ngɛ Mizpa zugba a nɔ ɔ.

Yoshua 19:28

Ebron, Rehob, Hamon, kɛ Kana kɛ ya su Sidon tɔɔ.

Yoshua 19:29

Jehanɛ, huzu ɔ lɔgɔ kɛ gu Rama, nɛ e ya su Tiro, ma nɛ a fia gbogbo kɛ wo he ɔ. Huzu ɔ dɔ kɛ ho Hosa ya, nɛ e nya ya ta ngɛ Mediterenia wo ɔ nya. Ma nɛ ɔmɛ hu piɛ he: Mahalab, Akzib,

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.

Yoshua 9:7

Se Israel bi ɔmɛ he nɔ ke, “Mɛni he je waa kɛ nyɛ maa so ɔ? Eko piɔ, kpo nya hiɛ ɔ he ko nyɛ je.”

Manyadali 3:3

Je ma amɛ ji Filisti bi a matsɛmɛ enuɔ ɔmɛ, Sidon bi, kɛ Hiv bi nɛ ngɛ Lebanon yo ɔmɛ a nɔ kɛ je Baal Hermon yo ɔ he kɛ ya si Hamat yo kpɛ blɔ ɔ nya.