Samuel II, 24:24 - BAIBLO ALOO NGMAMI KLƆUKLƆU Ɔ

²⁴ Se matsɛ ɔ de Arauna ke, “Dɛbi, ma wo mo hiɔ; i kɛ níhi nɛ i na yaka be sami bɔ sãe ha Yawɛ, ye Mawu ɔ!” Kɛkɛ nɛ David ngɔ sika hiɔ yi nyingmi enuɔ kɛ he ngma gbeemi he ɔ, kɛ na amɛ.

Samuel II, 24:24 ပူးပေါင်းရင်းမြစ်များ

Mose I, 23:13

nɛ e kɛ Efron tu munyu, nɛ nɔ tsuaa nɔ nɛ ngɛ lejɛ ɔ nu ke, “I kpa mo pɛɛ nɛ o bu mi tue. Nɔ́ nɛ o de ɔ, i ngɔɛ. Ha nɛ ma wo mo zugba a he hiɔ, konɛ ma pu ye yo ɔ ngɛ lejɛ ɔ. O nɛ, sika a ji nɛ ɔ nɛ.”

Romabi 12:17

Nyɛ ko pee nɔ ko yayami kɛ to yayami nane mi. Nyɛ ha nihi tsuo nɛ a na kaa nyɛ ngɛ nɔ́ nɛ da pee.

Kronika I, 22:1

Kɛkɛ nɛ David de ke, “Hiɛmɛ nɛ ɔ nɛ Yawɛ Mawu we ɔ, kɛ bɔ sami la tɛ ɔ nɛ Israel ma a maa sã sami bɔhi ngɛ nɔ ɔ maa hi ɔ nɛ.”

Mose I, 23:11

“Bu tue, ye nyɔmtsɛ! I ngɔ zugba a tsuo, kɛ tɛ puɔ ɔ nɛ ngɛ zugba a mi ɔ kɛ ke mo. I ngɔ kɛ ha mo ngɛ ye ma mi bi ɔmɛ a hɛ mi ngɛ hiɛmɛ nɛ ɔ, konɛ o pu o yo ɔ ngɛ lejɛ ɔ.”

Mose I, 23:16

Abraham kplɛɛ nɔ, nɛ e ngmɛ sika hiɔ ɔ kaa bɔ nɛ Efron de nɛ Hit bi ɔmɛ nu ɔ: sika hiɔ yi lafa eywiɛ, kaa bɔ nɛ jua yeli ɔmɛ po ngɔ fɔ si ɔ.

Kronika I, 21:1

Abosiami ba te si ngɔ wo Israel, nɛ e wo David ga yaya ke e kane Israel ma a.