Samuel II, 24:2 - BAIBLO ALOO NGMAMI KLƆUKLƆU Ɔ

² Lɔ ɔ he ɔ, matsɛ ɔ de e tatsɛ Yoab, kɛ asafoatsɛmɛ ɔmɛ nɛ piɛ e he ɔ ke, “Nyɛɛ ya nɛ nyɛ ya kpa Israel wɛtso ɔmɛ tsuo a nɔ kɛ je Dan hluu kɛ yaa si Beersheba, nɛ nyɛɛ kane ni ɔmɛ, konɛ ma le ma a yibɔ.”

Samuel II, 24:2 ပူးပေါင်းရင်းမြစ်များ

Manyadali 20:1

Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.

Samuel II, 20:23

Yoab ji Israel tatsɛ nɔkɔtɔma; Yehoyada bi Benaya ji Keret bi ɔmɛ, kɛ Pelet bi ɔmɛ a nyatsɛ.

2 Korintobi 12:7

Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

Abɛ Womi 29:23

Nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a maa wo e hɛ mi nyami.

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Kronika I, 21:2

Lɔ ɔ he ɔ, David fa Yoab, kɛ asafoatsɛmɛ ɔmɛ ke, “Nyɛɛ ya nɛ nyɛ ya kane Israel ma a, kɛ je Beersheba kɛ yaa si Dan, nɛ nyɛ ba de mi. Ma suɔ nɛ ma le ma a hiɛmi.”

Samuel II, 17:11

Imi lɛɛ, ga nɛ ma wo mo ji kaa o ha nɛ a bua Israel tsuo nya ha mo kɛ je Dan kɛ yaa si Beersheba. A he nɛ hiɛ babauu kaa wo nya zia, nɛ mo nitsɛ o nyɛɛ a hɛ mi kɛ ya ta a.

Samuel II, 8:16

Yoab, nɛ e nyɛ biɛ ji Zeruya a, ji tatsɛ nɔkɔtɔma; Ahilud binyumu Yehoshafat ji sanehi ngmalɔ;

Samuel II, 2:13

Zeruya binyumu Yoab kɛ David tsɔli ɔmɛ hu hia kɛ je kpo nɛ a kɛ mɛ ya kpe ngɛ Gibeon taku ɔ nya. Kuu kake bua a he nya ngɛ taku ɔ hɛ mi, nɛ kuu kake hu bua a he nya ngɛ taku ɔ se.

Mose I, 21:14

E nɔ jena mɔtu kpla a, Abraham ha Hagar niye ní, kɛ lohwe he womi tɔ nɛ nyu hyi lɛ. E ngɔ jokuɛ nyumuyo ɔ kɛ wo Hagar se mi, nɛ e wo lɛ blɔ. Hagar je lejɛ ɔ, nɛ e ya wo lalaalo ngɛ Beersheba nga a nɔ.

Samuel II, 24:15

Lɔ ɔ he ɔ, Yawɛ ha gbenɔ hiɔ ba Israel kɛ je mɔtu kɛ ya si be nɛ a to ɔ; nɛ kɛ je Dan hluu kɛ ya si Beersheba a, nimli akpe nyingmi kpaago sɔuu gbo.