Samuel II, 24:10 - BAIBLO ALOO NGMAMI KLƆUKLƆU Ɔ

¹⁰ Benɛ David kane ni ɔmɛ se ɔ, e he nile hao lɛ; nɛ e de Yawɛ ke, “I pee yayami agbo kaa i tsu kikɛmɛ a ní nɛ ɔ. Lɔ ɔ he ɔ, Yawɛ, i kpa mo pɛɛ nɛ o ngɔ kɛ pa mi.”

Samuel II, 24:10 ပူးပေါင်းရင်းမြစ်များ

Samuel II, 12:13

David de Natan ke, “I pee yayami kɛ si Yawɛ.” Natan de lɛ ke, “Yawɛ ngɔ o he yayami ɔ ngɔ pa mo; o be gboe!

Samuel II, 24:17

David na bɔfo ɔ nɛ ngɛ ma a nɔ́ fiae, nɛ e de Yawɛ ke, “O nɛ, imi lɛ i pee yayami ɔ nɛ; imi lɛ i tɔ̃. Nimli nɛ ɔmɛ nɛ a ngɛ kpoo kaa jijɔ ɔ, mɛɛ lɛɛ mɛni a pee? I kpa mo pɛɛ nɛ o gbla i kɛ ye weku li kɛkɛ wa tue.”

Matsɛmɛ I, 8:35

“Ke o tsi hiɔmi nya ngɛ yayami ko nɛ o ma, Israel pee kɛ si mo he, nɛ pee se ɔ, a tsake a tsui nɛ a ba we nɛ ɔ mi ba kpa mo pɛɛ kɛ he si bami ɔ,

Kronika I, 21:7

Sane nɛ ɔ ngɔɛ Mawu nya; enɛ ɔ he je ɔ, e gbla Israel ma a tue.

Kronika I, 21:8

David de Mawu ke, “I pee yayami agbo kaa i tsu kikɛmɛ a ní nɛ ɔ. I kpa mo pɛɛ nɛ o ngɔ kɛ pa mi. I je kuasia.”

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Kronika II, 32:26

Se nyagbe ɔ, Hezekia kɛ Yerusalem ma mi bi ɔmɛ ba a he si. Lɔ ɔ he ɔ, Yawɛ gbla we ma a tue kɛ ya si Hezekia gbenɔ se.

Hiob 7:21

Mɛni he je o kɛ ye he yayami ɔmɛ pɛ mi ɔ? Mɛni he je o je we ye he yayami ɔmɛ kɛ ji o hɛ mi kɛ mwɔɔ ɔ? Jehanɛ lɛɛ tabo zu mi lɛ ma hwɔ; ke o ngɛ mi hlae ɔ, o be mi nae hu.

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

Mose II, 10:16

Kɛkɛ nɛ Farao ɔ tsɛ Mose kɛ Aaron nɔuu nɛ e de mɛ ke, “I pee yayami kɛ si Yawɛ, nyɛ Mawu ɔ; nɛ nyɛ hu i tɔ̃ nyɛ nɔ.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Yoel 2:12

Yawɛ ke, “Nyɛ tsake nyɛ tsui anɔkuale mi, nɛ nyɛɛ kpale kɛ ba ye ngɔ nɔuu. Nyɛɛ ha hwɔ; nyɛɛ wo yana, nɛ nyɛɛ ye kɔmɔ.

Mose IV, 12:11

e de Mose ke, “Ye nyɔmtsɛ, i kpa mo pɛɛ, koo gbla wa tue ngɛ kuasia nɛ wa je, kɛ yayami nɛ wa pee nɛ ɔ he.

Marko 7:22

gba puɛmi, hɛkɔ, yi wu tso ní peemi, nɔ sisimi, yahomi, ninyɛ, nɔ biɛ puɛmi, he nɔ womi, kuasiahi a sane yemi.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Yohane 8:9

Se mɛɛ lɛɛ benɛ a nu munyu nɛ ɔ, a bɔni jemi kakaaka, kɛ je nɔkɔtɔma a nɔ kɛ ya si e piɛ Yesu, kɛ yo ɔ pɛ nɛ daa si ngɛ lejɛ ɔ kɛ mwɔɔ.

Mose V, 32:6

Bɔ nɛ sa kaa nyɛ peeɔ Yawɛ ji nɛ ɔ lo, ma kuasia nɛ be juɛmi? Lɛ ji nyɛ tsɛ kɛ nyɛ bɔlɔ; lɛ nɛ e ha nyɛ pee e ma.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

1 Yohane 1:9

Se ke wa jaje wa he yayami ɔmɛ ha Mawu ɔ, e maa ye e siwo ɔ nɔ, nɛ e maa pee bɔ nɛ sa. E kɛ wa he yayami ɔmɛ maa pa wɔ; e maa tsu wa he, nɛ e ma je ní yayahi nɛ wa pee ɔ tsuo.

Samuel I, 13:13

Samuel de Saul ke, “O je kuasia; o yi Yawɛ, o Mawu ɔ mlaa nɛ e wo mo ɔ nɔ; kaa o ye nɔ jinɛ o matsɛ yemi ngɛ Israel ɔ, Yawɛ ma ha nɛ e da si kɛ ya neneene.

Samuel I, 24:5

Kɛkɛ nɛ David he nile bɔni lɛ haomi,

Samuel I, 24:6

nɛ e de e we bi ɔmɛ ke, “Yawɛ kó ha ma pee ye nyɔmtsɛ ɔ nɛ lɛ, Yawɛ ɔ hla, nɛ e wo lɛ matsɛ ɔ nɔ́ ko kaa kikɛ nɛ ɔ. I be lɛ awi yee; ejakaa nɔmlɔ nɛ Yawɛ hla, nɛ e wo matsɛ ji lɛ.”

Samuel I, 26:21

Saul he nɔ ke, “I tɔ̃! Ye bi David, moo kpale kɛ ba; i be mo nɔ́ ko nɔ́ ko pee hu, ejakaa o kɛ ye wami ke mi mwɔnɛ ligbi nɛ ɔ. I je kuasia nɛ i tɔ̃ babauu.”