Samuel II, 23:8 - BAIBLO ALOO NGMAMI KLƆUKLƆU Ɔ

⁸ David ta buli kpanaa amɛ a biɛhi ji nɛ ɔmɛ: Kekleekle nɔ ɔ ji Yosheb Bashebet, Takemon no ɔ; lɛ ji “Ni etɛ ɔmɛ” a nyatsɛ. E kɛ nimli lafa kpaanyɔ ya bua si kake, nɛ e kɛ e we akplɔ ɔ gbe mɛ tsuo.

Samuel II, 23:8 ပူးပေါင်းရင်းမြစ်များ

Kronika I, 27:2

Kekleekle asafo kuu ɔ nyatsɛ ji Zabdiel bi Yashobeam. E je Yuda wɛtso fa a nɛ a tsɛɛ Perez ɔ mi. E kɛ e we bi akpe nyingmi enyɔ kɛ eywiɛ tsuɔ ní ngɛ kekleekle nyɔhiɔ ɔ mi daa jeha.

Kronika I, 27:32

Matsɛ David tsɛko Yonatan ji ga wolɔ. E ngɛ juɛmi saminya, nɛ e le womi mi hulɔ. E kɛ Hakmoni bi Yehiel ji ni nɛmɛ nɛ a hyɛɛ matsɛbimɛ ɔmɛ a ní kasemi nɔ.

Matsɛmɛ I, 1:8

Se osɔfo Zadok, Yehoyada binyumu Benaya, gbalɔ Natan, Shimei, Rei, kɛ nyumuhi katsɛmɛ ɔmɛ nɛ a kɛ David ngɛ ɔ, mɛɛ a piɛ we Adoniya he.

Kronika I, 11:10

David ta buli kpanaa amɛ ji nɛ ɔmɛ nɛ. Ta buli kpanaa nɛ ɔmɛ, kɛ Israel ma a tsuo pee kake nɛ a wo David matsɛ kaa bɔ nɛ Yawɛ wo si ɔ. Mɛ lɛ a piɛ David he nɛ e matsɛ yemi ɔ da si.

Manyadali 15:15

Kɛkɛ nɛ e na teji ko nɛ gbo kɛ we tsitsa mi wu. E ba si nɛ e kɛ̃, nɛ e kɛ gbe nyumuhi akpe.

Samuel II, 10:7

Benɛ David nu he ɔ, e wo Yoab kɛ Israel tabo ɔ blɔ nɛ a kɛ mɛ ya kpe.

Kronika I, 27:1

A dla Israel tabo ɔ kɛ wo asafo kuu nyɔngma kɛ enyɔ mi. Asafo kuu tsuaa asafo kuu mi ɔ, nyumuhi akpe nyingmi enyɔ kɛ eywiɛ ngɛ mi, kɛ a nya asafoatsɛmɛ, kɛ ma ní tsuli nikɔtɔmahi, kɛ a we bi. Daa jeha a, asafo kuu kake kɛ a we asafoatsɛ ya tsuɔ ní nyɔhiɔ kake. Asafo kuu ɔmɛ, kɛ a we asafoatsɛmɛ ɔmɛ ji nɛ ɔmɛ nɛ: