Samuel II, 23:6 - BAIBLO ALOO NGMAMI KLƆUKLƆU Ɔ

⁶ Se yakayaka nimli ɔmɛ lɛɛ a ngɛ kaa mio nɛ a sake ngɔ fɔ he, nɛ nɔ ko kɛ e nine be nyɛe maa ta he.

Samuel II, 23:6 ပူးပေါင်းရင်းမြစ်များ

Ezekiel 2:6

“Se mo nɔmlɔ adesa, jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu. Ke a te si kɛ wo mo, nɛ a bui mo tue ɔ, e maa pee kaa miohi a mi o ngɛ, nɛ nyingmogblakotohi a nɔ o hii si ngɛ, se jamɛ a atuã tsɔli ɔmɛ lɛɛ koo ye mɛ gbeye; a munyu ɔmɛ hu koo bu.

Yesaya 33:12

Nyɛ ta buli babauu ɔ maa sã ngɛ ta nga nɔ. A maa pee kaa la zu, loo mio tso nɛ a po kɛ pue si nɛ a mɛ he la.

Lahi 2:2

Ye afɛu yo nɛ i suɔ mo saminya, bɔ nɛ nga nɔ mɔmɔ ngɛ ngɛ miohi a mi ɔ, jã o ngɛ kɛ ha mi ngɛ yihi tsuo a kpɛti.

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel I, 2:12

Eli binyumu ɔmɛ ɔ, yakayaka nimli ji mɛ; a bui Yawɛ,

Mose V, 13:13

yakayaka nimli komɛ nɛ ji Israel fɔfɔɛhi puɛ ma a mi bi ɔmɛ a tue nɛ a ya ja mawu kpahi nɛ nyɛ ja we hyɛ ɔ,

Mateo 13:41

Nɔmlɔ Bi ɔ maa tsɔ e hiɔwe bɔfo ɔmɛ, nɛ a ma ba bua nimli nɛ ɔmɛ a nya ngɛ e matsɛ yemi ɔ mi: ni nɛmɛ nɛ haa nihi a nane kpataa, kɛ yayami peeli tsuo.

Yesaya 27:4

Ye wai ngmɔ ɔ he mi mi la ko be ye mi hu. Ke kaa miohi, kɛ mio pu kɛkɛ nɛ i kɛ gba ta a, jinɛ ma ya mɛ a he la, nɛ ma sã mɛ tsuo.

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Samuel I, 25:17

Lɔ ɔ he ɔ, mo susu he, konɛ o hyɛ nɔ́ nɛ sa peemi; ejakaa sane yobu lɛ ma wa nyɔmtsɛ ɔ kɛ e weku li a nɔ nɛ ɔ nɛ. Nɔmlɔ ɔ tsui wa, nɛ a wui lɛ ga.”

Mika 7:4

A ti ni kpakpahi, loo ni nɛmɛ nɛ da pe kulaa po, a ngɛ kaa nga kɛkɛ; a he be se nami. Be ɔ nɛ Mawu maa gbla e ma a tue ɔ su ta; haomi kɛ he hiami, kɛ hɛ mi kpatami be ɔ su ta.