Samuel II, 23:5 - BAIBLO ALOO NGMAMI KLƆUKLƆU Ɔ

⁵ Kikɛ nɛ ɔ Mawu maa gbaa ye weku kɛ nina. Mawu kɛ mi so neneene somi, somi nɛ a be mi poe gblegbleegble. Nɔ́ nɛ i ngɛ hlae ɔ pɛ ji nɛ ɔ nɛ; e maa pee ye kunimi yemi, nɛ Yawɛ ma ha nɛ e ba mi.

Samuel II, 23:5 ပူးပေါင်းရင်းမြစ်များ

Mose I, 9:16

Ke alale ɔ ngmaa si ngɛ bɔku ɔmɛ a mi ɔ, ma na nɛ ma kai neneene somi ɔ nɛ ngɛ imi Mawu, kɛ níhi tsuo nɛ ngɛ je ɔ mi nɛ ngɛ hɛ ngmengmle ɔ wa kpɛti ɔ.

Samuel II, 12:10

Lɔ ɔ he ɔ, akɛnɛ o bui mi, nɛ o ya ngɔ Uria yo ɔ kɛ ba pee o yo he je ɔ, klaate nya gbenɔ fɔɔ si ha o weku kɛ nina kɛ yaa neneene.’

Samuel II, 13:14

Se Amnon bui nɔ́ nɛ e nyɛmi ɔ ngɛ de ɔ tue; nɛ akɛnɛ e he wa pe lɛ he je ɔ, e nu lɛ pani nya, nɛ e kɛ lɛ hwɔ.

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Samuel II, 18:14

Yoab de lɛ ke, “I pa be be ko puɛe ngɛ o he hu.” Kɛkɛ nɛ e ya ngɔ akplɔ etɛ, nɛ e fɔ kɛ gbɔ Absalom gugue mi, be mi nɛ e kplaa si ngɛ tso ɔ mi nɛ e gbo we lolo ɔ.

Samuel II, 7:12

Ke o gbo, nɛ a ya dla mo ngɛ o nɛmɛ ɔmɛ a hwɔ he ɔ, ma tle nɔ ko si ngɛ o se, nɛ ji mo nitsɛ o mi mi bi; nɛ ma to e matsɛ yemi ɔ sisi.

Samuel II, 7:18

Enɛ ɔ se ɔ, Matsɛ David ya sɛ bo tsu ɔ mi, nɛ e ya hi si ngɛ Yawɛ hɛ mi, nɛ e de ke, “Nyɔmtsɛ Yawɛ, mɛnɔ ji mi, nɛ ye we ɔ hu mɛnɔmɛ ji mɛ loko o hɛɛ mi kɛ ba su he nɛ i ngɛ nɛ ɔ?

Matsɛmɛ I, 1:5

Absalom senɔ Adoniya, nɛ ji David yo, Hagit binyumu ɔ ba bɔni e he nɔ womi, nɛ e fia pɛɛ si kaa ja e ye matsɛ kokooko. Enɛ ɔ he je ɔ, e dla e he kɛ ta zugba lɛhi, okpɔngɔhi, kɛ nyumuhi nyingmi enuɔ nɛ a maa hi fo tue kɛ nyɛɛ e hɛ mi. Adoniya he ngɛ fɛu saminya; e wami be mi tsuo e tsɛ kã we e hɛ mi hyɛ.

Matsɛmɛ I, 11:38

Ke o maa bu mi tue kɛ pi si, nɛ o maa ye ye mlaa amɛ a nɔ, nɛ o maa pee ye suɔmi nya ní kaa bɔ nɛ ye tsɔlɔ David pee ɔ, lɛɛ i kɛ mo maa hi si daa. Ma wo mo tsɛ ngɛ Israel, nɛ ma ha nɛ o nina maa ye tsɛ ngɛ o se kaa bɔ nɛ i pee ha David ɔ.

Matsɛmɛ I, 12:14

kaa bɔ nɛ nihewi ɔmɛ wo lɛ ga ke e pee ɔ. E de mɛ ke, “Tsaatsɛ ngɔ tlomi nɛ jiɔ ngɔ tloo nyɛ, se imi lɛɛ i kɛ tlomi ɔ eko maa piɛ he ha nyɛ. Tsaatsɛ kɛ kpa gu fia nyɛ, se imi lɛɛ i kɛ okpɔngɔ kpa maa fia nyɛ!”

La 111:9

E ha e ma a ye a he, nɛ e kɛ mɛ so somi nɛ ngɛ daa. E he tsɔ, nɛ e he ngɛ gbeye!

La 119:81

Yawɛ, i hyɛ mo blɔ hluu kaa o ma ba kpɔ mi, nɛ pɔ tɔ mi jehanɛ; se i ngɔ ye hɛ kɛ fɔ o siwo ɔ nɔ.

La 27:4

Nɔ́ kake kɛkɛ lɛ i bi Yawɛ; nɔ́ kake pɛ lɛ i ngɛ hlae ngɛ e dɛ. Lɔ ɔ ji kaa ma hi Yawɛ we ɔ ye wami be ɔ tsuo; ma na Yawɛ he fɛu ɔ, nɛ ma fa kue ngɛ e we ɔ.

La 62:2

Lɛ pɛ ji ye wesa he, ye yi wami helɔ, kɛ ye he bulɔ, nɛ nɔ ko nɔ ko be mi nyɛe.

La 89:3

O de ke, “I kɛ nɔ nɛ i hla lɛ ɔ so somi ko. I ka ye tsɔlɔ David kita ke,

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Yesaya 27:6

Hwɔɔ se ko ɔ, Israel ma nɛ ji Yakob nina a maa ma si kpɛii kaa tso nɛ sipoku sɛ zu mi; a ma gba mɔmɔ, nɛ a ma plɔke. A yiblii ma hyi je ɔ tɔ.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 54:10

Yo ɔmɛ, kɛ yoku ɔmɛ maa ywia pue si, se suɔmi nɛ i ngɛ kɛ ha mo ɔ se be poe. Somi nɛ i kɛ mo so kaa ma ha o tue mi nɛ jɔ mo ɔ, ma ye nɔ kɛ maa ya neneene.” Imi Yawɛ, o mɔbɔ nalɔ ɔ nɛ i de.

Yesaya 55:3

“Ye ma, nyɛ ta tue, nɛ nyɛɛ ba ye ngɔ; nyɛɛ ba ye ngɔ, konɛ nyɛ yi nɛ na wami. I kɛ nyɛ maa so somi ko nɛ maa hi si kɛ maa ya neneene; nɛ gbaami nɛ i wo David si ke ma ha e nina a, ma kɛ ha nyɛ.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yeremia 32:40

I kɛ mɛ maa so neneene somi kaa ma pee mɛ kpakpa daa. Ma ngɔ ye gbeye yemi kɛ wo a tsui mi, nɛ a be ye se jee hu gblegbleegble.

Yeremia 33:21

I kɛ ye tsɔlɔ David so somi kaa e nina maa ye matsɛ daa. Jehanɛ se hu, i kɛ osɔfohi nɛ je Levi wɛtso ɔ mi ɔ hu so kaa a ma sɔmɔ mi daa be tsuaa be. Kikɛmɛ a somi nɛ ɔmɛ ɔ, nɔ ko nɔ ko be nyɛe maa po a mi.

Ezekiel 37:26

I kɛ mɛ maa so he jɔmi somi. E maa pee somi nɛ maa hi si daa. Ma baa a yi saminya. Ma gbaa ma a, nɛ a he maa hiɛ babauu. Ma ma ye we klɔuklɔu ɔ ngɛ zugba a nɔ he nɛ a ngɛ ɔ, nɛ we ɔ maa hi lejɛ ɔ daa.

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Ni Tsumi 13:34

Jehanɛ, bɔ nɛ Mawu de ngɛ si nɛ e ma tle Yesu kɛ je gbeje nɛ e be puɛe ngɛ yɔkɔ mi gblegbleegble ɔ he ji nɛ ɔ nɛ: ‘Se moo lɛɛ ma gbaa mo kɛ ní klɔuklɔuhi nɛ ngɛ daa kaa bɔ nɛ i wo David hu si ɔ.’

Hebribi 13:20

He jɔmi Mawu ɔ, nɔ nɛ gu muɔ nɛ a kɛ sɔu neneene somi ɔ nya a nɔ, nɛ e je to ɔmɛ a hyɛlɔ ngua a nɛ ji wa Nyɔmtsɛ Yesu kɛ je gbeje kɛ ba wami mi ekohu ɔ,

Hebribi 6:19

Nɔ́ nɛ wa ngɔ wa hɛ kɛ fɔ nɔ nɛ ɔ ngɛ kaa osɛkɛ nɛ nu wɔ kɛ da si kpɛii, nɛ e kɛ wɔ ya su sɔlemi tsu ɔ mi pomi bo ɔ se tɔɔ.

Samuel I, 2:35

Ma hla osɔfo ko nɛ maa ye mi anɔkuale; nɛ lɛ ji nɔ nɛ maa pee níhi nɛ ngɛ ye tsui nɔ, kɛ níhi nɛ ngɛ ye juɛmi mi ɔ ha mi. Ma bɔ we saminya ha lɛ, nɛ a ma sɔmɔ ngɛ ye matsɛ ɔ nɛ i pɔ lɛ nu ɔ e hɛ mi daa.

Samuel I, 25:28

I kpa mo pɛɛ, ke i pee mo yayami ko ɔ, kɛ pa mi. Yawɛ maa wo mo matsɛ, nɛ e maa pee o we ɔ matsɛ we kɛ maa ya neneene; ejakaa Yawɛ tahi lɛ o ngɛ hwue ɔ nɛ; nɛ yayami ko yayami ko be o he sae kɛ yaa si o gbenɔ ligbi.