Samuel II, 23:22 - BAIBLO ALOO NGMAMI KLƆUKLƆU Ɔ

²² Kã peemi níhi nɛ Yehoyada bi Benaya tsu ji nɛ ɔmɛ nɛ. Lɛ hu e na biɛ kɛ piɛ katsɛmɛ nyingmi etɛ ɔmɛ a he.

Samuel II, 23:22 ပူးပေါင်းရင်းမြစ်များ

Samuel II, 8:18

Yehoyada binyumu Benaya ji Keret kɛ Pelet bi ɔmɛ a nyatsɛ. Keret kɛ Pelet bi ɔmɛ ji David we bi a tabo. David binyumu ɔmɛ ji osɔfohi.

Samuel II, 23:20

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e tsu ní tsumi nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ, nɛ lɛ nɔuu nɛ e ya sɛ muɔ ko mi nɛ e gbe jata ligbi ko nɛ snoo ngɛ nɛe ɔ nɛ.

Samuel II, 23:21

Benaya nɛ ɔ nɔuu gbe Egipt no kpanaa ko. Egipt no ɔ hɛɛ akplɔ ngɛ e dɛ mi, se Benaya ho nɛ e ya na lɛ kɛ e dɛma tso ɔ kɛkɛ. E kpɔ akplɔ ɔ ngɛ e dɛ, nɛ e ngɔ Egipt no ɔ nitsɛ e akplɔ ɔ kɛ gbe lɛ.

Samuel II, 23:23

E hɛ mi ngɛ nyami pe mɛ, se kekleekle ni etɛ ɔmɛ lɛɛ e na we mɛ. David kɛ lɛ pee e we bi a tabo ɔ nyatsɛ.

Samuel II, 20:7

Lɔ ɔ he ɔ, Abishai kɛ Yoab we bi ɔmɛ, kɛ Keret bi ɔmɛ kɛ Pelet bi ɔmɛ, kɛ ta buli ɔmɛ tsuo hia kɛ je Yerusalem kɛ nyɛɛ Sheba se.