Samuel II, 23:21 - BAIBLO ALOO NGMAMI KLƆUKLƆU Ɔ

²¹ Benaya nɛ ɔ nɔuu gbe Egipt no kpanaa ko. Egipt no ɔ hɛɛ akplɔ ngɛ e dɛ mi, se Benaya ho nɛ e ya na lɛ kɛ e dɛma tso ɔ kɛkɛ. E kpɔ akplɔ ɔ ngɛ e dɛ, nɛ e ngɔ Egipt no ɔ nitsɛ e akplɔ ɔ kɛ gbe lɛ.

Samuel II, 23:21 ပူးပေါင်းရင်းမြစ်များ

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

Kronika I, 11:23

Benaya nɛ ɔ nɔuu gbe Egipt no oblai ko. Egipt no ɔ hɛɛ akplɔ nɛ ngɛ kaa bo lolɔ gba tso ngɛ e dɛ mi, se Benaya ho nɛ e ya na lɛ kɛ e dɛma tso kɛkɛ. E kpɔ akplɔ ɔ ngɛ e dɛ, nɛ e ngɔ Egipt no ɔ nitsɛ e we akplɔ ɔ kɛ gbe lɛ.

Samuel I, 17:51

David sa fo ya da Goliat nɔ. E hia Goliat klaate ɔ kɛ je kpo ɔ mi, nɛ e kɛ po e yi nɛ e gbe lɛ. Benɛ Filisti bi ɔmɛ na kaa a tatsɛ kpanaa a gbo ɔ, a tu fo.

Samuel II, 23:20

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e tsu ní tsumi nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ, nɛ lɛ nɔuu nɛ e ya sɛ muɔ ko mi nɛ e gbe jata ligbi ko nɛ snoo ngɛ nɛe ɔ nɛ.

Samuel II, 23:22

Kã peemi níhi nɛ Yehoyada bi Benaya tsu ji nɛ ɔmɛ nɛ. Lɛ hu e na biɛ kɛ piɛ katsɛmɛ nyingmi etɛ ɔmɛ a he.