Samuel II, 23:19 - BAIBLO ALOO NGMAMI KLƆUKLƆU Ɔ

¹⁹ Katsɛmɛ nyingmi etɛ ɔmɛ a kpɛti ɔ, lɛ ji nɔ nɛ hɛ mi ngɛ nyami pe mɛ tsuo; lɔ ɔ he ɔ, e ba pee a nyatsɛ. Se kɛ̃ e na we kekleekle ni etɛ ɔmɛ.

Samuel II, 23:19 ပူးပေါင်းရင်းမြစ်များ

Mateo 13:23

Se wu nɛ ya pue zugba kpakpa nɔ ɔ lɛɛ e daa si ha nihi nɛ nuɔ sɛ gbi ɔ, nɛ a kɔɔ se hulɔ. Mɛ ji ni nɛmɛ nɛ woɔ yiblii ɔ, ni komɛ lafa, ni komɛ nyingmi ekpa, kɛ ni komɛ hu nyingmi etɛ.”

Mateo 13:8

Se ekomɛ hu ya pue zugba kpakpa nɔ, nɛ tso ɔmɛ wo yiblii, ekomɛ lafa, ekomɛ nyingmi ekpa, kɛ ekomɛ hu nyingmi etɛ.”

1 Korintobi 15:41

Slo pu hɛ mi nyami kɛ afɛu, nɛ slo nyɔhiɔ hu nɔ́. Slo dodoehi hu a hɛ mi nyami kɛ afɛu; dodoe kake nɔ́ je ekpa ngɛ kake nɔ́ he.

Kronika I, 11:25

E hɛ mi ngɛ nyami pe katsɛmɛ “Nyingmi etɛ ɔmɛ”, se katsɛmɛ “Etɛ ɔmɛ” lɛɛ e na we mɛ. David pee lɛ e we bi a tabo ɔ nyatsɛ.

Samuel II, 23:16

Katsɛmɛ etɛ ɔmɛ pee nyumu ka; a ya gu Filisti bi ɔmɛ a kpɛti, nɛ a ya yɛ nyu ngɛ vu ɔ mi kɛ ba ha David. Se e kua numi; e plɛ nyu ɔ pue si ha Yawɛ mohu,

Samuel II, 23:13

Benɛ ní kpami be su ta a, katsɛmɛ nyingmi etɛ ɔmɛ a ti ni etɛ pue nɔ kɛ ya na David ngɛ Adulam tɛ puɔ ɔ mi, be mi nɛ Filisti ojo fiali a kuu ɔ hu ya bua a he nya ngɛ Refaim kɔ̃ ɔ mi.

Samuel II, 23:9

Nɔ nɛ nyɛɛ e se ngɛ katsɛmɛ etɛ ɔmɛ a kpɛti ji Eleazar, Ahohi bi Dodo bi ɔ. Ligbi ko benɛ Filisti bi ɔmɛ ya bua a he nya nɛ a gba ta a, Eleazar kɛ David ya tsɔ a nya. Jamɛ a be ɔ, Israel bi ɔmɛ lɛɛ a gbla a he si kɛ je lejɛ ɔ momo.

Samuel II, 23:18

Yoab nyɛminyumu Abishai, Zeruya binyumu ɔ ji “Ni nyingmi etɛ ɔmɛ” a nyatsɛ. Lɛ nɛ e ngɔ e we akplɔ kɛ gbe nimli lafa etɛ, nɛ e kɛ ná biɛ ngɛ katsɛmɛ nyingmi etɛ ɔmɛ a kpɛti.

Samuel II, 23:20

Yehoyada bi Benaya, Kabzeel no ɔ, lɛ hu katsɛmɛ ɔmɛ a ti nɔ kake ji lɛ; nɛ e tsu ní tsumi nguahi. Lɛ nɛ e gbe Ariel nɛ je Moab ɔ binyumu enyɔ ɔmɛ, nɛ lɛ nɔuu nɛ e ya sɛ muɔ ko mi nɛ e gbe jata ligbi ko nɛ snoo ngɛ nɛe ɔ nɛ.