Samuel II, 23:16 - BAIBLO ALOO NGMAMI KLƆUKLƆU Ɔ

¹⁶ Katsɛmɛ etɛ ɔmɛ pee nyumu ka; a ya gu Filisti bi ɔmɛ a kpɛti, nɛ a ya yɛ nyu ngɛ vu ɔ mi kɛ ba ha David. Se e kua numi; e plɛ nyu ɔ pue si ha Yawɛ mohu,

Samuel II, 23:16 ပူးပေါင်းရင်းမြစ်များ

Mose I, 35:14

Yakob kɛ kaimi tɛ ko ma si ngɛ he nɛ Mawu kɛ lɛ ba tu munyu ngɛ ɔ. E plɛ wai kɛ oliv nu ngɔ pue nɔ, nɛ e kɛ pee tɛ ɔ klɔuklɔu kɛ ha Mawu.

Samuel II, 23:9

Nɔ nɛ nyɛɛ e se ngɛ katsɛmɛ etɛ ɔmɛ a kpɛti ji Eleazar, Ahohi bi Dodo bi ɔ. Ligbi ko benɛ Filisti bi ɔmɛ ya bua a he nya nɛ a gba ta a, Eleazar kɛ David ya tsɔ a nya. Jamɛ a be ɔ, Israel bi ɔmɛ lɛɛ a gbla a he si kɛ je lejɛ ɔ momo.

Kronika I, 11:18

Katsɛmɛ etɛ ɔmɛ pee nyumu; a ya gu Filisti bi ɔmɛ a kpɛti nɛ a ya yɛ nyu ngɛ vu ɔ mi kɛ ba ha David. Se e kua numi; e plɛ nyu ɔ pue si ha Yawɛ mohu,

Fiɛlɔ 4:12

Ke nɔ ko ba tua ni enyɔ nɛ ɔmɛ ɔ, a ma bla kɛ wo e he, nɛ a maa gbe lɛ. Se ke nɔ kake a ba tua ja a, e be nyɛe ma fa e he. Kpa nɛ a tslɔ hɛ si etɛ ɔ, e tsɔ we mla.

Kɔmɔ Yemi 2:19

Tee si nɛ o nya awe nyɔnyɔɔnyɔ ha Nyɔmtsɛ ɔ. Moo fa kue ha lɛ kɛ o tsui tsuo, nɛ o kpa lɛ pɛɛ nɛ e na o bimɛ ɔmɛ mɔbɔ. Hyɛ kaa hwɔ ngɛ jokuɛwi gbee ngɛ gbɛjegbɛ ɔmɛ tsuo a nɔ ngɛ he tsuaa he.

Mose IV, 28:7

A ngɔ wai lita kake kɛ piɛ kekleekle lohwe ɔ he, nɛ a kɛ sã bɔ ngɛ he klɔuklɔu ɔ kɛ ha Yawɛ.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Romabi 5:7

Ejakaa e maa wa kaa nɔ ko maa suɔ nɛ e gbo ngɛ nɔ nɛ yeɔ mlaa nɔ ɔ he; pohu nɔmlɔ kpakpa he ɔ, e maa ba mi kaa nɔ ko ma si gugue kaa e ma gbo.

2 Korintobi 5:14

Suɔmi nɛ Kristo ngɛ kɛ ha wɔ ɔ woɔ wɔ he wami. Kristo gbo ha wɔ tsuo. Nɛ wa heɔ yeɔ kaa gbenɔ nɛ nɔ kake gbo ha nihi tsuo nɛ ɔ tsɔɔ kaa ni ɔmɛ tsuo gbo.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Samuel I, 19:5

E ngɔ e wami ngɔ ke, benɛ e gbe Filisti no ɔ, nɛ Yawɛ ye kunimi nguaa kɛ ha Israel tsuo. O na, nɛ o bua jɔ he. Mɛni he je mɔ nɛ o ngɛ hlae nɛ o gbe David yaka gu nɛ e pee we mo yayami ko ɔ?”

Samuel I, 7:6

Lɔ ɔ he ɔ, ma a tsuo ba bua a he nya ngɛ Mizpa. A yɛ nyu kɛ pue si ngɛ Yawɛ hɛ mi, nɛ a ha hwɔ jamɛ a ligbi ɔ tsuo, nɛ a de ke, “Wa pee yayami kɛ si Yawɛ.” Mizpa ji he nɛ Samuel hyɛɛ Israel bi ɔmɛ a kpɛti sanehi a mi haa mɛ ngɛ.