Samuel II, 23:10 - BAIBLO ALOO NGMAMI KLƆUKLƆU Ɔ

¹⁰ Lɛ nɛ e da si nɛ e kɛ Filisti bi ɔmɛ hwu ta hluu kɛ ya si e kɔni gbo; se kɛ̃ e hɛɛ e klaate ɔ ngɛ e dɛ mi. Yawɛ ye kunimi nguaa jamɛ a ligbi ɔ. Pee se ɔ, Israel bi ɔmɛ kpale kɛ ba he nɛ Eleazar ngɛ ɔ; nɛ a ba ha ní ngɛ ni gbogboe ɔmɛ a he.

Samuel II, 23:10 ပူးပေါင်းရင်းမြစ်များ

Samuel I, 19:5

E ngɔ e wami ngɔ ke, benɛ e gbe Filisti no ɔ, nɛ Yawɛ ye kunimi nguaa kɛ ha Israel tsuo. O na, nɛ o bua jɔ he. Mɛni he je mɔ nɛ o ngɛ hlae nɛ o gbe David yaka gu nɛ e pee we mo yayami ko ɔ?”

Samuel I, 11:13

Se Saul de ke, “Dɛbi, a be nɔ ko nɔ ko gbee mwɔnɛ ɔ, ejakaa mwɔnɛ ligbi nɛ ɔ, Yawɛ he Israel yi wami.”

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

La 144:10

Mo lɛ o haa matsɛmɛ yeɔ kunimi, nɛ o heɔ o tsɔlɔ David yi wami.

La 108:13

Nɛ́ Mawu kɛ wɔ ngɛ nɛ ɔ, wa maa ye kunimi. Lɛ ji nɔ nɛ maa ye wa he nyɛli ɔmɛ a nɔ ha wɔ.

La 68:12

“Matsɛmɛ ɔmɛ, kɛ a tabo ɔmɛ tu fo oo! A tu fo kɛ je ta a nya oo!” Yihi nɛ a si ngɛ se ɔ dla ta yibu ní ɔ ha a he.

Matsɛmɛ II, 5:1

Siria matsɛ ɔ tatsɛ Naeman ji nɔ ko nɛ e nyɔmtsɛ ɔ buu lɛ saminya kaa nɔmlɔ agbo; ejakaa Yawɛ gu Naeman nɔ kɛ ha Siria ye kunimi. Katsɛ kpanaa ji lɛ; se he womi nɔ hiɔ yaya ngɛ e he.

Samuel I, 14:23

kɛ ya po mi ngɛ Bet Aven tɔɔ. Yawɛ he Israel yi wami jamɛ a ligbi ɔ.

Samuel I, 14:6

Yonatan de niheyo ɔ nɛ hɛɛ e ta hwumi ní ɔmɛ ke, “Ha waa ho mɔmlɔtɔtsɛmɛ ɔmɛ a sito he ɔ ya. Eko piɔ, Yawɛ ma tsu nyakpɛ ní ha wɔ; ejakaa nɔ́ ko nɔ́ ko tsi Yawɛ nya kaa e kɛ nihi fuu, loo bɔɔ ma he nihi a yi wami.”

Manyadali 15:18

Jehanɛ, kuma ba ye Samson wawɛɛ nitsɛ; nɛ e fa kue ha Yawɛ nɛ e de ke, “O tsu manye ní tsumi nguaa nɛ ɔ kɛ gu o tsɔlɔ ɔ nine nɔ. Anɛ kuma nɛ gbe mi, nɛ mɔmlɔtɔtsɛmɛ nɛ ɔmɛ a nine nɛ su ye nɔ lo?”

Manyadali 15:14

Benɛ e ba su Lehi ɔ, Filisti bi ɔmɛ he ose kɛ ba na lɛ. Tlukaa a, Yawɛ mumi ɔ ba e nɔ wawɛɛ nitsɛ, nɛ e tsɔ tangme ɔmɛ nɛ blaa e nine ɔ pue si kaa doti nɛ la sɛ mi.

Yoshua 11:8

Yawɛ ha Israel bi ɔmɛ ye a nɔ. Israel bi ɔmɛ tua mɛ, nɛ a nyɛɛ a se kɛ ya su Sidon Ngua, kɛ Misrefot Maim ngɛ omleyi je; jehanɛ, a nyɛɛ a se kɛ gu beleku je kɛ ya su Mizpa kɔ̃ ɔ mi tɔɔ. A hwu ta a kɛ ya si be nɛ a gbe he nyɛli ɔmɛ tsuo pɛpɛɛpɛ nɛ nɔ kake po píɛ.

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Yoshua 10:10

Yawɛ ha sawale nu Amor bi ɔmɛ benɛ a na Israel ta a. Israel bi ɔmɛ gbe mɛ ngɔ pue si ngɛ Gibeon, nɛ a nyɛɛ a se kɛ fo kɛ ya gu yo kpɛ blɔ ɔ ngɛ Bet Horon, kɛ ya su Azeka kɛ Makeda tɔɔ ngɛ leneyi je.

Samuel II, 23:12

se Shama da si ngɛ zugba a kpɛti tutuutu, nɛ e fa zugba a he, nɛ e gbe Filisti bi ɔmɛ. Yawɛ ye kunimi nguaa jamɛ a ligbi ɔ.

Kronika I, 11:13

Ligbi ko ɔ, e piɛ David he nɛ a kɛ Filisti bi ɔmɛ ya hwu ta ngɛ Pas Damim. Eleazar ngɛ akoko ngmɔ ko mi, nɛ e na kaa Israel bi ɔmɛ bɔni fo tumi ngɛ Filisti bi ɔmɛ a nya.

Samuel I, 17:53

Benɛ Israel bi ɔmɛ kpale ngɛ Filisti bi ɔmɛ a se kɛ ba a, a ba ha ní ngɛ Filisti bi ɔmɛ a ta a mi.