Samuel II, 22:5 - BAIBLO ALOO NGMAMI KLƆUKLƆU Ɔ

⁵ Gbenɔ oslɔke ɔmɛ bɔle mi kɛ kpe; pa yayamihi hia kɛ wo mi.

Samuel II, 22:5 ပူးပေါင်းရင်းမြစ်များ

La 18:4

Gbenɔ oslaa bɔle mi kɛ kpe; niinɛ, nimli yayamihi babauu bɔle mi kaa pa nɛ hia kɛ bee.

La 42:8

Piani ɔ, Yawɛ maa na mi mɔbɔ, konɛ nyɔ mi ɔ, ma la nɛ ma fa kue ha lɛ Mawu, ye yi baalɔ ɔ.

Yesaya 59:19

Kɛ je beleku je kɛ yaa su bonyoku je ɔ, nɔ tsuaa nɔ maa ye Yawɛ gbeye. E maa ba kaa pa nɛ hia; e maa ba kaa ahumi nɛ hia kɛ ma.

Yona 2:3

O sake mi ngɔ fɔ muɔ voovoohi a mi ngɛ wo ɔ sisi tɔɔ, he nɛ nyu babauu bɔle mi ngɛ, nɛ o we oslɔke ɔmɛ kuɔɔ kɛ pueɔ ye nɔ.

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Kpojemi 17:1

Enɛ ɔ se ɔ, bɔfo kpaago ɔmɛ nɛ hɛɛ kplu kpaago ɔmɛ a ti nɔ kake ba de mi ke, “Ba nɛ ma tsɔɔ mo bɔ nɛ Mawu maa gbla ajuama kpanaku ɔ tue ha. Jamɛ a ma kpetekpleenyɛ ɔ nɛ a ma ngɔ fɔ pahi babauu a tue ɔ i ngɛ tsɔɔe ɔ nɛ.

Kpojemi 17:15

Bɔfo ɔ ya nɔ nɛ e de mi ke, “Nyu kpekpemi ɔ nɛ o na nɛ yo ajuama a hii si ngɛ nɔ ɔ daa si ha mahi, je mahi, nimli slɔɔtoslɔɔtohi, kɛ gbi munomunohi.