Samuel II, 22:44 - BAIBLO ALOO NGMAMI KLƆUKLƆU Ɔ

⁴⁴ O je mi kɛ je ye ma mi bi atuã tsɔli a dɛ mi; o baa ye yi, nɛ i ba pee je ma amɛ a nyatsɛ. Mahi nɛ i li mɛ po ba plɛ pee ye sɔmɔli.

Samuel II, 22:44 ပူးပေါင်းရင်းမြစ်များ

Samuel II, 19:14

Sɛ nɛ David kɛ mane Yuda bi ɔmɛ ɔ ha a yi mi plɛ, nɛ a pee kake. Lɔ ɔ he ɔ, a tsɔ kɛ ba de matsɛ ɔ ke, “Moo kpale o se kɛ ba kɛ o tsɔli ɔmɛ tsuo.”

Samuel II, 19:9

Ngɛ Israel wɛtso ɔmɛ tsuo a mi ɔ, ni ɔmɛ kɛ a he bɔni pɛmi nɛ a ngɛ dee ke, “Matsɛ David je wɔ kɛ je wa he nyɛli ɔmɛ a dɛ mi, nɛ e kpɔ wɔ kɛ je Filisti bi ɔmɛ a dɛ mi. Se amlɔ nɛ ɔ, Absalom fie lɛ kɛ je ma a mi.

Samuel II, 20:22

Kɛkɛ nɛ yo ɔ ho nɛ e ya wo ma mi bi ɔmɛ ga; nɛ a po Sheba yi nɛ a fɔ ngɔ mane Yoab. Yoab kpa titimati, nɛ e we bi ɔmɛ gbɛ kɛ je ma a he; nɛ nɔ tsuaa nɔ ho e ma mi ya. Yoab kpale kɛ ba matsɛ ɔ ngɔ ngɛ Yerusalem.

Samuel II, 3:1

Ta nɛ Saul we ɔ, kɛ David we ɔ hwu ɔ, ta a se kɛ saminya. Be mi nɛ David he wami ngɛ nɔ puee ɔ, Saul we ɔ lɛɛ a he wami nɔ ngɛ gbɔe kulaa.

Samuel II, 5:1

Jehanɛ, Israel wɛtso ɔmɛ tsuo ba David ngɔ ngɛ Hebron nɛ a ba de lɛ ke, “O nɛ, wa nyɛmi tutuutu ji mo.

La 110:6

E maa gbla je ma amɛ a tue; nɛ ma amɛ a mi ma hyi tɔ kɛ ni gbogboehi. E ma kpata matsɛmɛ ɔmɛ a hɛ mi ngɛ je ɔ mi tsuo.

La 18:43

O je mi kɛ je atuã tsɔli a dɛ mi, nɛ o pee mi je ma amɛ a nyatsɛ. Ma nɛ i li mɛ po ma ba sɔmɔ mi.

La 2:8

Bi mi, nɛ ma ha mo je ma amɛ tsuo; zugba a tsuo ma ba pee o weto ní.

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Yesaya 55:5

Jehanɛ lɛɛ, o ma tsɛ je mahi nɛ li mo kɛ ba; sa a, a li mo, se jehanɛ lɛɛ a ma wo fo kɛ ba o ngɔ! Imi Yawɛ, Israel Mawu klɔuklɔu ɔ ma ha ní nɛ ɔmɛ tsuo maa ba mi.”

Yesaya 60:12

Je ma, loo nɔ yemi nɛ be mo sɔmɔe ɔ, a ma kpata e hɛ mi pɛsɛpɛsɛ.

Yesaya 65:1

Yawɛ ke, “I pee klaalo konɛ nihi nɛ li mi ɔ nɛ a hla ye se blɔ; i pee klaalo konɛ ni nɛmɛ nɛ li mi ɔ nɛ a le mi jehanɛ. Daa nɛ ɔ, i pee klaalo nɛ i ngɛ ma a dee ke, ‘I ngɛ hiɛ ɔ oo; nyɛ tsɛ mi nɛ ma piɛ nyɛ he.’

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Hosea 2:23

Ma to ye ma a sisi, nɛ a ma plɔke ngɛ zugba a nɔ. Nihi nɛ a tsɛɔ mɛ ke, “Asumemo” ɔ, ma je suɔmi kpo ha mɛ; nɛ ni nɛmɛ nɛ a tsɛɔ mɛ ke “Piyema” a, ma de mɛ ke, “Ye ma ji nyɛ.” Kɛkɛ ɔ, mɛ hu a ma he nɔ ke, “Mo ji wa Mawu.”

Romabi 15:12

Yesaya hu de ke, “Ishai nina ko maa ba; E maa te si nɛ e ba ye ma je li ɔmɛ a nɔ, Nɛ ma je li ɔmɛ maa ngɔ a hɛ ngɔ fɔ e nɔ.”

Romabi 9:25

Bɔ nɛ Mawu de ngɛ Hosea womi ɔ mi ji nɛ ɔ nɛ: “Nihi nɛ a tsɛɔ mɛ ‘Piyemajinyɛ’ ɔ, ma de mɛ ke ‘Ye ma ji nyɛ.’ Nɛ nɔ́ nɛ a tsɛɔ lɛ ‘Asumemo’ ɔ ma je suɔmi kpo ha lɛ.”

Mose V, 28:13

Yawɛ maa pee nyɛ je ma amɛ tsuo a hɛ mi nyɛɛlɔ; ma amɛ maa nyɛɛ nyɛ se; pi nyɛ nɛ nyɛ maa hi se. Ke nyɛ maa bu Mawu mlaa amɛ tue, nɛ nyɛ maa ye a nɔ pɛpɛɛpɛ, nɛ nyɛ maa pee bɔ nɛ i ngɛ nyɛ fae mwɔnɛ ɔ, Mawu ma ha nyɛ maa ya nɔ ngɛ nɔ́ tsuaa nɔ́ mi, nɛ nyɛ be se yae kɔkɔɔkɔ.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”