Samuel II, 22:41 - BAIBLO ALOO NGMAMI KLƆUKLƆU Ɔ

⁴¹ Mo lɛ o ha nɛ ye he nyɛli ɔmɛ tu fo kɛ je ye he; ni nɛmɛ nɛ te si ngɔ wo mi ɔ, mo lɛ o ha nɛ i kpata a hɛ mi.

Samuel II, 22:41 ပူးပေါင်းရင်းမြစ်များ

Mose I, 49:8

“Yuda, o nyɛmimɛ ɔmɛ ma je o yi. O ma kpata o he nyɛli ɔmɛ a hɛ mi. O nyɛmimɛ ɔmɛ ma kpla si ngɛ o hɛ mi.

Mose II, 23:27

“Ma tsuaa ma nɛ o ma pã nɔ ɔ, ma ha sawale maa nu ma mi bi ɔmɛ tsuo. Ni nɛmɛ nɛ maa te si kɛ wo mo ɔ, ma ha a kpɛti maa pee basabasa; nɛ ma ha o he nyɛli ɔmɛ tsuo maa tu o nya fo.

Luka 19:14

Se e ma mi bi ɔmɛ sume lɛ. Lɔ ɔ he ɔ, a tsɔ nihi kɛ fie e se ke a ya de ke, ‘Wa sume nɛ nyumu nɛ ɔ ba ye wa nɔ matsɛ.’

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Yoshua 10:24

Benɛ a kɛ matsɛmɛ ɔmɛ ba Yoshua ngɔ ɔ, Yoshua kpee Israel ma a tsuo kɛ ba; nɛ e de asafoatsɛmɛ ɔmɛ nɛ a kɛ lɛ ya ta a ke, “Nyɛɛ hɛ nyɛ kɛ ba nɛ nyɛɛ kɛ nyɛ nanehi ba ma matsɛmɛ nɛ ɔmɛ a kuɛhi a nɔ!” Asafoatsɛmɛ ɔmɛ pee ja.