Samuel II, 22:29 - BAIBLO ALOO NGMAMI KLƆUKLƆU Ɔ

²⁹ Yawɛ, mo ji ye kane. Ye Mawu, mo nɛ o fieɔ diblii ngɛ ye blɔ nɔ.

Samuel II, 22:29 ပူးပေါင်းရင်းမြစ်များ

Samuel II, 21:17

Se Zeruya bi Abishai ba piɛ David he; e tua Filisti no ɔ, nɛ e gbe lɛ. Kɛkɛ nɛ David we bi ɔmɛ ka David kita ke, “O kɛ wɔ be ta yae hu gblegbleegble. Israel hɛngmɛ ji mo; koo pee nɛ wa hɛngmɛ ɔ ba pɛ.”

Matsɛmɛ I, 11:36

Se Salomo binyumu ɔ lɛɛ ma ngɔ wɛtso kake ngɔ ha lɛ, bɔ nɛ pee nɛ daa nɛ ɔ, ye tsɔlɔ David nina ko nɛ ye tsɛ ngɛ Yerusalem, ma he nɛ i hla, nɛ a jaa mi ngɛ ɔ.

Hiob 29:3

Jamɛ a be ɔ, Mawu kɛ mi ngɛ saminya, nɛ ke i ngɛ diblii mi nyɛɛe ɔ, e haa mi la.

La 112:4

La kpɛɔ ngɛ diblii mi kɛ haa nimli kpakpahi, nihi nɛ peeɔ nɔ nɛ da, nihi nɛ naa mɔbɔ, kɛ nihi nɛ a mi mi jɔ.

La 18:28

Ejakaa mo Yawɛ, ye Mawu ɔ, mo lɛ o haa mi la. Mo lɛ o fieɔ diblii kɛ jeɔ ye he.

La 27:1

Yawɛ ji ye la; lɛ ji ye yi wami helɔ. lɔ ɔ he ɔ, i yi nɔ ko nɔ ko gbeye. Yawɛ ji ye he wami nɛ buu ye he; mɛnɔ gbeye ma ye mɔ?

La 4:6

Nihi babauu biɔ ke, “Mɛnɔ po maa dloo wɔ nɔ́ ko? Yawɛ, naa wɔ mɔbɔ koo!”

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

La 97:11

La kpɛɔ kɛ haa dali; nihi nɛ peeɔ nɔ́ nɛ da a, a naa bua jɔmi.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Mika 7:9

Wa pee yayami kɛ si Yawɛ; lɔ ɔ he ɔ, ke e mi mi fu wɔ ɔ, wa ma na tsui. Ejakaa e ma kpɔ wɔ kɛ je wa he nyɛli ɔmɛ a dɛ mi, nɛ e maa gbla a tue ngɛ yayami nɛ a pee wɔ ɔ he. Yawɛ maa ngɔ wɔ kɛ ba la a he, nɛ wa maa na kaa e ma he wa yi wami.

Malaki 4:2

Se nyɛ nɛ nyɛ yeɔ mi gbeye ɔ, nyɛɛ lɛɛ ye he wami nɛ nya wa a ma tsa nyɛ, nɛ nyɛ yi ma na wami kaa bɔ nɛ pu la tsaa hiɔtsɛ ɔ. Nyɛ he mi maa jɔ nyɛ, nɛ nyɛ ma na bua jɔmi kaa na bihi nɛ a bli mɛ nɛ a ngɛ tuue kɛ je tsu mi.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ mi yeɔ ɔ, e ko hi diblii ɔ mi.

Yohane 8:12

Yesu, kɛ Farisi bi ɔmɛ tu munyu ekohu, nɛ e de mɛ ke, “Imi ji je ɔ la a nɛ. Nɔ tsuaa nɔ nɛ nyɛɛɔ ye se ɔ, e naa la a nɛ haa nɔ wami ɔ; nɛ e be diblii mi nyɛɛe kɔkɔɔkɔ.”

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.