Samuel II, 22:24 - BAIBLO ALOO NGMAMI KLƆUKLƆU Ɔ

²⁴ E le kaa i da kɛ pi si; e le kaa i pee we yayami ko.

Samuel II, 22:24 ပူးပေါင်းရင်းမြစ်များ

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Mose I, 6:9

Noa he sane ji nɛ ɔ nɛ. Noa ngɛ binyumuhi etɛ: Shem, Ham, kɛ Yafet. Noa nɛ ɔ, piami ko be e he; e be ɔ mi ɔ, lɛ pɛ ji dalɔ, nɛ e peeɔ Mawu suɔmi nya ní.

Mose I, 7:1

Yawɛ de Noa ke, “Yaa sɛ lɛ ɔ mi; mo, kɛ nihi nɛ ngɛ o we ɔ mi ɔ tsuo; ejakaa i na kaa mo pɛ ji nɔ nɛ peeɔ nɔ́ nɛ da ngɛ je ɔ mi tsuo.

Hiob 1:1

Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

La 17:1

Yawɛ, moo piɛ ye he koo! Hyɛ kaa i yeɔ anɔkuale, nɛ i sisi we nɔ. Lɔ ɔ he ɔ, i kpa mo pɛɛ nɛ o bu kue nɛ i ngɛ fae kɛ hɛdɔ nɛ ɔ tue.

La 51:6

O suɔ nɛ ma ye mo anɔkuale kɛ pi si; lɔ ɔ he ɔ, ngɔɔ o nile kɛ wo ye mi tɔ.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Abɛ Womi 4:23

Susu o yi mi saminya loko o pee nɔ́ ko, ejakaa lɔ ɔ nɔ o wami daa si ngɛ.

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

2 Korintobi 5:11

Lɔ ɔ he ɔ, wɔ nɛ waa kɛ bu yee Nyɔmtsɛ ɔ gbeye ɔ, wa bɔɔ mɔde tuɔ munyu tsɔɔ nihi. Wɔ nitsɛmɛ lɛɛ, Mawu le bɔ nɛ wa ngɛ ha. Nɛ i heɔ yeɔ kaa nyɛ hu nyɛ le wɔ kɛ pi si jã nɔuu.

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Kolosebi 1:21

Sa a, nyɛɛ kɛ Mawu nyɛ kpɛti kɛ saminya, nɛ nyɛ pee nyɛ he e he nyɛli. Nyɛ peeɔ ní yayamihi, nɛ nyɛ susuɔ ní yayamihi hulɔ.

Kolosebi 1:22

Se amlɔ nɛ ɔ, kɛ gu e Bi ɔ nɛ ba ngɛ he lo mi ɔ gbenɔ ɔ nɔ ɔ, e kɛ nyɛ ba kpata. E pee enɛ ɔ, bɔ nɛ pee nɛ nyɛɛ pee klɔuklɔu, nɛ piami, loo sé ko kó hi nyɛ he ngɛ e hɛ mi.

Hebribi 12:1

Amlɔ nɛ ɔ, nyɛɛ hyɛ nimli kpekpemi nitsɛnitsɛ kaa bɔku nɛ tsu a hemi kɛ yemi he ní nɛ bɔle wɔ kɛ kpe. Lɔ ɔ he ɔ, níhi tsuo nɛ tsiɔ wɔ blɔ, titli ɔ, yayami peemi nɛ gblaa wɔ se ɔ, nyɛ ha waa ngmɛɛ he, konɛ waa kɛ hɛ mi miami nɛ tu fo nɛ fɔɔ si ngɛ wa hɛ mi ɔ.