Samuel II, 22:18 - BAIBLO ALOO NGMAMI KLƆUKLƆU Ɔ

¹⁸ E je mi kɛ je ye he nyɛli ɔmɛ, kɛ ni nɛmɛ nɛ nyɛɔ mi ɔ a dɛ mi; ejakaa a he wa tsɔ pe mi.

Samuel II, 22:18 ပူးပေါင်းရင်းမြစ်များ

Samuel II, 22:1

Benɛ Yawɛ je David kɛ je Saul kɛ e he nyɛli ɔmɛ tsuo a dɛ mi ɔ, David la la nɛ ɔ kɛ ha Yawɛ:

Samuel II, 22:17

Yawɛ juale e nine kɛ je hiɔwe, nɛ e pɛtɛ ye he; e gbla mi kɛ je pa nɛ mi kuɔ ɔ mi.

Samuel II, 22:19

Benɛ i ngɛ amanehlu mi ɔ, a tua mi; se Yawɛ he ye yi wami.

La 3:7

Yawɛ, ye Mawu, ba he ye yi wami koo! Ejakaa mo lɛ o ma nyɛ maa fia ye he nyɛli ɔmɛ tsuo ní. Mo lɛ o ma nyɛ maa gbla a tue nɛ a be nyɛe maa pee mi nɔ́ ko.

La 35:10

Ma de kɛ je ye tsui mi tɔɔ ke, “Yawɛ, mɛnɔ lɛ e kɛ mo sɔ? Mo lɛ o jeɔ nɔ nɛ he wɛ kɛ jeɔ nɔ nɛ he wa pe lɛ ɔ dɛ mi. Mo lɛ o jeɔ dɛgutsɛ kɛ jeɔ nɔ nɛ waa lɛ yi mi ɔ dɛ mi.”

La 56:9

Ligbi ɔ nɛ ma fa kue ha mo pɛ ye he nyɛli ɔmɛ maa kpale a se. I le kaa Mawu kɛ mi ngɛ.

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.