Samuel II, 22:10 - BAIBLO ALOO NGMAMI KLƆUKLƆU Ɔ

¹⁰ E gba hiɔwe mi enyɔ; nɛ e nyɛɛ bɔku kpii ko nɔ kɛ ba zugba.

Samuel II, 22:10 ပူးပေါင်းရင်းမြစ်များ

Matsɛmɛ I, 8:12

Kɛkɛ nɛ Salomo sɔle ke, “Mo Yawɛ, o ngɔ pu ngɔ to hiɔwe, se kɛ̃ ɔ, o ke o maa hi bɔku kɛ diblii kpii mi.

La 104:3

O ma o we ɔ ngɔ fɔ nyu nɛ ngɛ hiɔwe ɔ nɔ. O ngɔ bɔku kɛ pee o lɛ, nɛ kɔɔhiɔ mi o nyɛɛɔ.

La 144:5

Yawɛ, ha nɛ hiɔwe ɔ nɛ ba si, nɛ o kple si kɛ ba. Moo ta yo ɔmɛ a he, konɛ a je la su ku.

La 97:2

Bɔku kɛ diblii kpii bɔle lɛ kɛ kpe. Matsɛ ji lɛ; anɔkuale, kɛ dami sane e yeɔ.

Mose II, 19:16

Ligbi nɛ ji etɛ ɔ mɔtu ɔ, a nu hiɔmi simi, oslabai gbami, kɛ titimati pɛmi wawɛɛ ngɛ yo ɔ nɔ; bɔku kpii hu wo ngɛ lejɛ ɔ. Sawale nu ma a tsuo ngɛ a sito he ɔ, nɛ a he kpokpo.

Mose II, 20:21

Se ma a daa si ngɛ se lokoo, nɛ Mose pɛ nɛ e hɛ lɛ kɛ su diblii kpii ɔ he ngɛ he nɛ Mawu ngɛ ɔ.

Yesaya 63:19

Wa pee kaa nihi nɛ o hyɛ we a nɔ hyɛ, loo ni komɛ nɛ a kɛ o biɛ tsɛ we mɛ hyɛ!

Nahum 1:3

Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

Mateo 27:45

Piani ngmlɛ nyɔngma kɛ enyɔ ɔ, zugba a nɔ tsuo wo diblii ngmlɛfia etɛ sɔuu.

Mose V, 4:11

“Nyɛ de nyɛ bimɛ bɔ nɛ nyɛ ba da si ngɛ yo ɔ sisi, kɛ bɔ nɛ yo ɔ ngɛ tsoe, nɛ la a ya hiɔwe ploplooplo, nɛ bɔku wo diblii kpii kɛ bɔle yo ɔ.