Samuel II, 22:1 - BAIBLO ALOO NGMAMI KLƆUKLƆU Ɔ

¹ Benɛ Yawɛ je David kɛ je Saul kɛ e he nyɛli ɔmɛ tsuo a dɛ mi ɔ, David la la nɛ ɔ kɛ ha Yawɛ:

Samuel II, 22:1 ပူးပေါင်းရင်းမြစ်များ

Manyadali 5:1

Jamɛ a ligbi ɔ, Debora kɛ Abinoam binyumu Barak la la nɛ ɔ.

Mose II, 15:1

Kɛkɛ nɛ Mose kɛ Israel bi ɔmɛ la la nɛ ɔ kɛ je Yawɛ yi: “Ma la kɛ je Yawɛ yi, ejakaa e ye kunimi nguaa. E tsɛ̃ okpɔngɔ kɛ e nɔ hilɔ ɔ kɛ wo wo ɔ mi.

2 Timoteo 4:18

Nyɔmtsɛ ɔ ma je mi kɛ maa je ní yayamihi tsuo a mi, nɛ e kɛ mi maa ya hiɔwe he nɛ e ngɛ matsɛ yee ngɛ ɔ fiafiaafia. A maa wo e hɛ mi nyami kɛ maa ya neneene. Amen.

La 34:19

Nɔ nɛ peeɔ nɔ́ nɛ da a, haomi babauu baa e nɔ; se Yawɛ jeɔ lɛ kɛ jeɔ lɛ tsuo mi.

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

Samuel II, 22:49

nɛ e kpɔ mi kɛ je ye he nyɛli ɔmɛ a dɛ mi. Yawɛ lee, o ha nɛ i ye ye he nyɛli ɔmɛ a nɔ kunimi; o je mi kɛ je yi mi wali a dɛ mi.

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”

Samuel I, 26:24

Lɔ ɔ he ɔ, kaa bɔ nɛ i kɛ o wami ke mo mwɔnɛ ligbi nɛ ɔ, Yawɛ nɛ e ngɔ ye wami kɛ ke mi, nɛ e je mi kɛ je amanehlu tsuo pɛpɛɛpɛ mi.”

Samuel I, 25:29

Nɛ ke nɔ ko maa te si kɛ wo mo, nɛ e ma hla kaa e gbe mo ɔ, Yawɛ, o Mawu ɔ maa bu o he kaa bɔ nɛ nɔmlɔ adesa buu june nɛ he jua wa he ɔ. Se o he nyɛli ɔmɛ lɛɛ e ma sake mɛ ngɔ fɔ he kaa bɔ nɛ a fɔɔ amlami tɛ ɔ.

Samuel I, 24:15

Yawɛ maa kojo i kɛ mo wa kpɛti. E maa hyɛ, nɛ e maa ye ye sane ɔ ha mi. E maa wo mi nguɔ, nɛ e ma je mi kɛ je o dɛ mi.”

Samuel I, 23:14

David ya laa e he ngɛ tɛ puɔhi a mi ngɛ yoku ko nɔ, ngɛ Zif nga a nɔ. Daa ligbi ɔ, Saul hlaa David he blɔ; se Mawu je we lɛ ngɔ wui e dɛ mi.

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

Mose V, 31:30

Enɛ ɔ se ɔ, Mose kane la a mi munyu ɔmɛ tsuo kɛ tsɔɔ Israel ma a, nɛ mɛ tsuo a bu tue kɛ ya si nyagbe:

Kronika I, 16:7

Jamɛ a ligbi ɔ ji kekleekle be nɛ David ngɔ he blɔ nɛ ɔ ngɔ ha Asaf, kɛ e nyɛmimɛ Levi bi ɔmɛ kaa a la nɛ a kɛ je Yawɛ yi.

Samuel II, 12:7

Natan de David ke, “Mo tutuutu ji jamɛ a nyumu ɔ nɛ! Bɔ nɛ Yawɛ, Israel Mawu ɔ de ji nɛ ɔ nɛ: ‘Imi nɛ i pɔ mo nu nɛ i wo mo Israel matsɛ, nɛ i je mo kɛ je Saul dɛ mi.