Samuel II, 21:7 - BAIBLO ALOO NGMAMI KLƆUKLƆU Ɔ

⁷ Ngɛ kita nɛ David kɛ Saul bi Yonatan ka a he he je ɔ, matsɛ ɔ tɛ Yonatan bi Mefiboshet nɛ ji Saul bibi ɔ he.

Samuel II, 21:7 ပူးပေါင်းရင်းမြစ်များ

Samuel II, 16:4

Matsɛ ɔ de Ziba ke, “O nɛ, Mefiboshet nɔ́ tsuaa nɔ́ ba peeɔ o nɔ jehanɛ.” Ziba de lɛ ke, “Ye nyɔmtsɛ matsɛ, i kɛ he si bami ngɛ mo tsumi haae; moo pɛtɛ ye he daa.”

Samuel II, 19:25

Benɛ e je Yerusalem kɛ ba nɛ e kɛ matsɛ ɔ ba kpe ɔ, matsɛ ɔ bi lɛ ke, “Mefiboshet, mɛni he je nɛ o kɛ mi yɛ ɔ?”

Samuel II, 4:4

Saul bi Yonatan ngɛ bi akpaketsɛ ko nɛ a tsɛɛ lɛ Mefiboshet. Benɛ Saul kɛ Yonatan gbenɔ sane ɔ pɛ ngɛ Yezreel ɔ, jamɛ a be ɔ, Mefiboshet ye jeha enuɔ. A tsɔɔ kaa benɛ sane ɔ ba a, bimɛanyɛ nɛ ngɛ e nɔ hyɛe ɔ ngɔ lɛ kɛ tu fo. Se nɛ e ngɛ esɔ yee ɔ, jokuɛ ɔ je e dɛ nɔ si nɛ e hule.

Samuel II, 9:1

Ligbi ko ɔ, David bi si ke, “Anɛ Saul nina ko piɛ lo? Ke nɔ ko ngɛ ɔ, ma suɔ nɛ ma na lɛ mɔbɔ ngɛ Yonatan he.”

Samuel II, 9:10

Lɔ ɔ he ɔ, o kɛ o binyumu ɔmɛ, kɛ o tsɔli ɔmɛ maa pee ngmɔ, nɛ nyɛ ma kpa ní, konɛ o nyɔmtsɛ Saul we ɔ nɛ a ná nɔ́ ko nɛ a ye. Se o nyɔmtsɛ ɔ bibi Mefiboshet lɛɛ e maa ye ní ngɛ ye okplɔɔ he daa.” Ziba ngɛ binyumuhi nyɔngma kɛ enuɔ, kɛ tsɔli nyingmi enyɔ.

Samuel II, 9:6

Benɛ Saul bibi Mefiboshet, nɛ ji Yonatan bi ɔ ba David ngɔ ɔ, e kpla si nɛ e kɛ e hɛ mi bu si kɛ tsɔɔ bumi. David tsɛ e biɛ ke, “Mefiboshet!” Nɛ e he nɔ ke, “Ye nyɔmtsɛ.”

Samuel II, 9:7

David ya nɔ nɛ e de lɛ ke, “Koo ye gbeye; ejakaa o tsɛ Yonatan he ɔ, ma na mo mɔbɔ. Ma kpale o nɛ̃, Saul zugba amɛ tsuo kɛ ha mo, nɛ ye okplɔɔ he o maa ye ní ngɛ daa.”

Fiɛlɔ 8:2

Ye matsɛ mlaa a nɔ kaa bɔ nɛ o ka Mawu kita ke o maa pee ɔ.

Samuel I, 18:3

Yonatan ka David kita kaa e kɛ lɛ maa bɔ kɛ yaa si gbenɔ mi, ejakaa e suɔ David kaa bɔ nɛ e suɔ lɛ nitsɛ e he.

Samuel I, 20:12

Yonatan de David ke, “I ngɛ mo si woe ngɛ Yawɛ, Israel Mawu ɔ biɛ mi kaa hwɔɔ, loo hwɔɔ se maa pee be nɛ ɔ mi ɔ, ma hla juɛmi nɛ tsaatsɛ ngɛ ngɛ o he. Ke e ngɛ o he juɛmi kpakpa a, ma tsɔ ba de mo.

Samuel I, 20:15

ko ha o mi mi himi ɔ se nɛ e po ngɛ ye weku li a nɔ ligbi ko ligbi ko. Ke Yawɛ kpata o he nyɛli ɔmɛ tsuo a hɛ mi ngɛ zugba a nɔ ɔ,

Samuel I, 20:17

Yonatan ha David kpale ka lɛ kita ekohu kaa e suɔ lɛ, ejakaa lɛ, Yonatan ɔ nitsɛ e suɔ David kaa bɔ nɛ e suɔ lɛ nitsɛ e he.

Samuel I, 20:42

Kɛkɛ nɛ Yonatan de David ke, “Yaa ngɛ he jɔmi mi. Kita a nɛ i kɛ mo tsuo wa ka wa he ngɛ Yawɛ biɛ mi ɔ, Yawɛ ma ha nɛ i kɛ mo, kɛ o nina, kɛ imi hu ye nina wa maa ye nɔ kɛ maa ya neneene.” Enɛ ɔ se ɔ, David je lejɛ ɔ, nɛ Yonatan hu kpale e se kɛ ho ma a mi ya.

Samuel I, 20:8

Lɔ ɔ he ɔ, naa mi mɔbɔ, nɛ o ye somi nɛ o kɛ mi so ngɛ Yawɛ biɛ mi ɔ nɔ. Se ke i yeɔ fɔ ɔ, lɛɛ mo nitsɛ moo gbe mi. Mɛni he je o maa ngɔ mi kɛ ya ha o tsɛ?”

Samuel I, 23:18

Mɛ ni enyɔ ɔmɛ ka a he kita ngɛ Yawɛ hɛ mi. Lɔ ɔ se ɔ, Yonatan je kɛ ho we mi ya; se David lɛɛ e tlɔ Horesh.

Samuel I, 24:22

David ka Saul kita kaa bɔ nɛ Saul ngɛ hlae ɔ. Lɔ ɔ se ɔ, Saul je kɛ ho we mi ya; nɛ David kɛ e we bi ɔmɛ hu kpale a se kɛ ho tɛ puɔ ɔ mi ya.