Samuel II, 21:17 - BAIBLO ALOO NGMAMI KLƆUKLƆU Ɔ

¹⁷ Se Zeruya bi Abishai ba piɛ David he; e tua Filisti no ɔ, nɛ e gbe lɛ. Kɛkɛ nɛ David we bi ɔmɛ ka David kita ke, “O kɛ wɔ be ta yae hu gblegbleegble. Israel hɛngmɛ ji mo; koo pee nɛ wa hɛngmɛ ɔ ba pɛ.”

Samuel II, 21:17 ပူးပေါင်းရင်းမြစ်များ

Matsɛmɛ I, 11:36

Se Salomo binyumu ɔ lɛɛ ma ngɔ wɛtso kake ngɔ ha lɛ, bɔ nɛ pee nɛ daa nɛ ɔ, ye tsɔlɔ David nina ko nɛ ye tsɛ ngɛ Yerusalem, ma he nɛ i hla, nɛ a jaa mi ngɛ ɔ.

Samuel II, 18:3

Se ni ɔmɛ de ke, “Dɛbi, mo ko ya! Ke wɔɔ wa tu fo ngɛ ta a nya a, nɔ ko be wa he akɔtaa bue. Jã kɛ̃ ke a dla wa mi enyɔ nɛ fa kake nɔ ngɛ ta a mi po, pi nɔ ko kɔmɔ. Se moo lɛɛ o he jua wa kaa wa ti nihi akpe nyɔngma. Lɔ ɔ he ɔ, e hi kaa o hi si ngɛ ma a mi mohu konɛ ke nɔ́ ko he hia wɔ ɔ, nɛ o pee ha wɔ.”

La 132:17

Ma pee David nina kake matsɛ agbo ngɛ hiɛmɛ nɛ ɔ; ma to lɛ si kaa nɔ nɛ imi nitsɛ i hla, nɛ i wo lɛ matsɛ.

Matsɛmɛ I, 15:4

Se kɛ̃ ɔ, David he ɔ, Yawɛ, e Mawu ɔ ha lɛ binyumu, nɛ bi nɛ ɔ ba ye e se ngɛ Yerusalem, nɛ e ha nɛ matsɛ yemi ɔ da si.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

La 144:10

Mo lɛ o haa matsɛmɛ yeɔ kunimi, nɛ o heɔ o tsɔlɔ David yi wami.

La 46:1

Mawu ji wa wesa he, kɛ wa he wami. Wa fimi behi tsuo a mi ɔ, e ngɛ wa kasa nya.

Samuel II, 22:29

Yawɛ, mo ji ye kane. Ye Mawu, mo nɛ o fieɔ diblii ngɛ ye blɔ nɔ.

Samuel II, 22:19

Benɛ i ngɛ amanehlu mi ɔ, a tua mi; se Yawɛ he ye yi wami.

Samuel II, 14:7

Amlɔ nɛ ɔ, weku ɔ tsuo te si wo mi nɛ a ngɛ ye nɔ nyɛe ke ma ngɔ ye bi ɔ nɛ tane e nyɛmi ɔ yi ɔ ngɔ ha mɛ nɛ a gbe lɛ kɛ ye e nyɛmi ɔ nɛ e gbe ɔ he lue. Ke a pee ja kɛkɛ a kpata gbosi ní yelɔ ɔ hu hɛ mi; kɛkɛ pe a gbe ye la tso ku nɛ piɛ ngɛ la mi ɔ ji lɔ ɔ nɛ. Lɛɛ tse ye huno biɛ maa laa gbidigbidi; nɛ e nina ko hu be piɛe ngɛ zugba a nɔ.”

Yeremia 40:15

Kɛkɛ nɛ Yohanan de lɛ ngɛ laami mi ke, “Ha nɛ ma ya nɛ ma ya gbe Ishmael, nɛ nɔ ko nɔ ko be lee. Mɛni he je e sa kaa e gbe mo ɔ? Ke e pee ja a, Yuda bi tsuo nɛ ba bua a he nya ngɛ o ngɔ ɔ maa gbɛ fĩa, nɛ Yuda ma nɛ piɛ ɔ a hɛ mi ma kpata.”

Samuel II, 18:2

Lɔ ɔ se ɔ, David gba tabo ɔ tsuo mi etɛ, nɛ e ngɔ Yoab ngɔ to kekleekle nɔ́ nya. Yoab senɔ Abishai, Zeruya bi ɔ ji kuu enyɔne ɔ nyatsɛ; nɛ etɛne ɔ lɛɛ e kɛ wo Itai, Gat no ɔ dɛ mi. Kɛkɛ nɛ matsɛ ɔ de e we bi ɔmɛ ke, “Imi nitsɛ i kɛ nyɛ maa ya.”