Samuel II, 21:15 - BAIBLO ALOO NGMAMI KLƆUKLƆU Ɔ

¹⁵ Filisti bi ɔmɛ gba ta kɛ wo Israel bi ɔmɛ ekohu; nɛ David kɛ e tsɔli ɔmɛ ho nɛ a kɛ Filisti bi ɔmɛ ya hwu; se pɔ tɔ David.

Samuel II, 21:15 ပူးပေါင်းရင်းမြစ်များ

Fiɛlɔ 12:3

O ninehi nɛ o kɛ buɔ o he ɔ ma bɔni kpokpomi, nɛ o nane kpakpataa amɛ a mi maa jɔ. O lunguhi be nyɛe maa ta nɔ́ hu, ejakaa a he pi. O hɛngmɛ ɔmɛ a nɔ maa ha, nɛ o be nɔ́ hyɛe saminya hu.

La 71:9

Ko sake mi kɛ fɔ he ngɛ ye bwɔmi mi, be nɛ ye he wami ta nɛ ɔ.

Kronika I, 20:4

Enɛ ɔ se ɔ, Israel bi ɔmɛ, kɛ Filisti bi ɔmɛ hwu ta ekohu ngɛ Gezer. Benɛ a ngɛ ta nɛ ɔ hwue ɔ, Israel no ko nɛ a tsɛɛ lɛ Sibekai gbe Filisti oblai ko nɛ a tsɛɛ lɛ Sipai. Nɛ Filisti bi ɔmɛ ha yi.

Samuel II, 5:25

David pee kaa bɔ nɛ Yawɛ fa lɛ ɔ; nɛ e kpata Filisti bi ɔmɛ a hɛ mi kɛ je Geba kɛ ya si Gezer tɔɔ.

Samuel II, 5:22

Se Filisti bi ɔmɛ kpale a se nɛ a ya pue si ngɛ Refaim kɔ̃ ɔ mi ekohu.

Samuel II, 5:17

Benɛ Filisti bi ɔmɛ nu kaa a pɔ David nu nɛ a wo lɛ Israel matsɛ ɔ, mɛ tsuo pɛpɛɛpɛ a ba nɛ a ba hla lɛ nɛ a nu lɛ. Se David nu he nɛ e ya sɛ e mɔ nguaa a mi.

La 73:26

Ke ye nɔmlɔ tso ɔ gbɔjɔ, nɛ ye tsui ta a, Yawɛ maa wo mi he wami, ejakaa lɛ ji ye nɔ́ fɛɛ nɔ́, nɛ e kɛ mi maa hi si daa.

La 71:18

Lɔ ɔ he ɔ, amlɔ nɛ ɔ nɛ i bwɔ, nɛ ye yi mi hiɛ futaa kɛ mua a, Mawu, ko kua mi! O kɛ mi nɛ hi si kɛ yaa si ma sɛɛ nyakpɛ ní nguanguahi nɛ o tsu ɔ kɛ ha yi nɔhi nɛ maa ba ngɛ se ɔ.

Samuel II, 21:16

Kɛkɛ nɛ oblai ko nɛ a tsɛɛ lɛ Ishbibenob ɔ susu kaa e nine gbe David ta. Ishbibenob hɛɛ akɔblee akplɔ ko nɛ e jiimi maa pee kilo etɛ kɛ fa, nɛ e fi klaate ehe hu ngɛ e mlɛ mi.

Samuel II, 8:1

Enɛ ɔ se ɔ, David ya tua Filisti bi ɔmɛ ekohu, nɛ e ye a nɔ. E ngɔ a ma nguaa pe kulaa nɛ a tsɛɛ Gat ɔ.