Samuel II, 21:10 - BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ Rizpa, Aya biyo ɔ ngɔ kpekpe kɛ pee bo tsu ngɛ tɛ sa a nɔ. Nɛ kɛ je be mi nɛ a bɔni ní kpami kɛ ya si hiɔmi bɔni nɛmi ɔ, e huɔ gbogboe ɔmɛ nyɔ kɛ pia; e ngmɛ́ blɔ nɛ lohwe pɛlitsɛmɛ ba maa a nɔ piani; nɛ nyɔ mi ɔ, e fieɔ lohwe awi yeli kɛ jeɔ a he.

Samuel II, 21:10 ပူးပေါင်းရင်းမြစ်များ

Mose I, 40:19

Hiɛmɛ nɛ ɔ ligbi etɛ ɔ, Farao ɔ ma je mo kɛ je tsu mi, nɛ e ma ha a sɛu mo ngɛ tso nɔ, nɛ lohwe pɛlitsɛmɛ ma ba ye o he lo ɔ.”

Samuel II, 21:11

Benɛ a ya bɔ David nɔ́ nɛ Aya biyo Rizpa, Saul plã a pee ɔ,

Samuel II, 3:7

Saul ngɛ plã ko nɛ a tsɛɛ lɛ Rizpa, nɛ ji Aya biyo. Ligbi ko ɔ, Saul bi Ishboshet ya bi Abner ke, “Mɛni he je o kɛ tsaatsɛ plã a ya na bɔmi ɔ?”

Matsɛmɛ I, 21:27

Benɛ Ahab nu munyu nɛ ɔmɛ ɔ, e hía e tade ɔmɛ, nɛ e bu kpekpe ya bo. E ha hwɔ, nɛ e kɛ kpekpe ya bo ɔ hwɔɔ si; nɛ ke e ngɛ nyɛɛe ɔ, e peeɔ kaa nɔ ko nɛ e nini je e nɔ.

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Ezekiel 39:4

Gog maa nɔ ta ngɛ Israel yo ɔmɛ a nɔ; e tabo ɔ, kɛ je ma amɛ nɛ piɛ e he ɔ tsuo a hɛ mi ma kpata. Ma ha a gbogboe ɔmɛ maa pee niye ní ha lohwe pɛlitsɛmɛ nɛ yeɔ lo, kɛ nga mi lohwe awi yeli tsuo.

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Yoel 1:18

Hyɛ bɔ nɛ we mi lohwehi ngɛ kɛmɛe ha! Na amɛ hao, ejakaa a nɛ nga nɛ a kpe; to ɔmɛ hu ngɛ nɔ́ nae jã kɛ̃.

Yoel 2:23

“Nyɛ Zion bi, nyɛ nya nɛ nyɛ bua nɛ jɔ ngɛ nɔ́ nɛ Yawɛ, nyɛ Mawu ɔ pee ha nyɛ ɔ he. E ha gbo nyu nɛ ha nyɛ babauu; gbiɛ nyu hu nɛ ha nyɛ bɔ nɛ sa, kaa kekle ko ɔ.

Zakaria 10:1

Nyɛɛ fa kue ha Yawɛ, konɛ e ha nɛ hiɔmi nɛ nɛ gbo kɛ gbiɛ. Ejakaa Yawɛ lɛ haa bɔku hiaa ngɛ ahumi mi; lɛ nɛ e haa hiɔmi nɛɛɔ, nɛ nɔ tsuaa nɔ ngmɔ baa ní.

Mose V, 11:14

Ke nyɛ pee ja a, e ma ha hiɔmi maa nɛ ngɛ e be mi gbo kɛ gbiɛ tsuo, nɛ nyɛ ma na blɛfo, wai, kɛ nu.

Mose V, 21:13

nɛ é tsake e tade ɔmɛ ngɛ e he. É hi o we ɔ mi, nɛ é ye kɔmɔ nyɔhiɔ kake ha e fɔli. Lɔ ɔ se ɔ, o ma nyɛ maa ngɔ lɛ nɛ e pee o yo.

Mose V, 21:22

“Ke a gbe nɔ ko nɛ pee yayami ko, nɛ a kɛ e gbogboe ɔ bɛle si ngɛ tso nɔ ɔ,

Mose V, 21:23

ko ha nɛ e hi tso ɔ nɔ nɛ je nɛ na yi. A pu lɛ jamɛ a ligbi ɔ kɛ̃; ejakaa nɔ gbogboe nɛ bɛle si ngɛ tso nɔ ɔ kɛ Mawu gbiɛmi baa zugba a nɔ. Moo pu gbogboe ɔ, bɔ nɛ pee nɛ o ko ble zugba a nɛ Yawɛ, o Mawu ɔ ngɛ mo hae ɔ.

Samuel I, 17:44

nɛ e de lɛ ke, “Ba hiɛ ɔ, nɛ ma ngɔ o he lo ɔ ngɔ ha lohwe pɛlitsɛmɛ, kɛ pu mi lohwehi.”

Samuel I, 17:46

Mwɔnɛ ligbi nɛ ɔ, Yawɛ ma je mo ngɔ wo ye dɛ mi; ma gbe mo, nɛ ma po o yi. Nɛ ma ngɔ Filisti ta buli ɔmɛ a gbogboehi kɛ ha lohwe pɛlitsɛmɛ, kɛ pu mi lohwehi nɛ a ye. Nɛ je ɔ tsuo maa le kaa Mawu ko ngɛ Israel,