Samuel II, 21:1 - BAIBLO ALOO NGMAMI KLƆUKLƆU Ɔ

¹ David yi nɔ ɔ, hwɔ ba zugba a nɔ jeha etɛ sɔuu. Lɔ ɔ he ɔ, David ya bi Yawɛ ga womi, nɛ Yawɛ de lɛ ke, “Saul kɛ e we ɔ ye fɔ kaa a pue muɔ si; ejakaa Saul gbe Gibeon bi ɔmɛ.”

Samuel II, 21:1 ပူးပေါင်းရင်းမြစ်များ

Mose I, 12:10

Jamɛ a be ɔ, hwɔ ba Kanaan zugba a nɔ, nɛ lɔ ɔ he ɔ, Abram pue nɔ kɛ ho Egipt ya nɛ e ya hi lejɛ ɔ be saii.

Mose I, 26:1

Hwɔ ba zugba a nɔ; slo hwɔ nɛ ba ngɛ Abraham yi nɔ ɔ; nɛ Isak ho Filisti bi ɔmɛ, a Matsɛ Abimelek ngɔ ya ngɛ Gerar.

Mose I, 41:57

Nihi je je ma amɛ tsuo a mi kɛ ba Egipt nɛ a ba he blɛfo ngɛ Yosef dɛ; ejakaa hwɔ ɔ nya wa wawɛɛ nitsɛ ngɛ he tsuaa he.

Mose I, 42:5

Yakob bimɛ ɔmɛ piɛ nihi nɛ ba blɛfo hemi ɔ a he; ejakaa hwɔ ba Kanaan zugba a hu nɔ.

Mose I, 43:1

Hwɔ ɔ nya ba wa ngɛ Kanaan zugba a nɔ.

Samuel II, 16:8

O kpɔ Saul matsɛ yemi ɔ, se piɔ lɛɛ Yawɛ ngɛ o tue gblae ngɛ Saul we mi bimɛ babauu a muɔ si nɛ o pue ɔ he. Yawɛ ngɔ matsɛ yemi ɔ ngɔ wo o binyumu Absalom dɛ. Hyɛ, o hɛ mi kpata pɛ, ejakaa muɔ si puelɔ ji mo.”

Samuel II, 20:26

nɛ Ira, Yair no ɔ, lɛ hu David osɔfo ji lɛ.

Samuel II, 21:5

A he nɔ ke, “Saul to kaa e ma kpata wa hɛ mi, bɔ nɛ pee nɛ a ko nu wa he ngɛ Israel zugba amɛ ekoeko nɔ hu.

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

Samuel II, 5:19

David bi Yawɛ ke, “Ma ya tua Filisti bi ɔmɛ lo? O ma je mɛ kɛ wo ye dɛ mi lo?” Yawɛ ha David heto ke, “Ee, moo ya! Bɔ tsuaa bɔ nɛ pee ɔ, ma je Filisti bi ɔmɛ kɛ wo o dɛ mi.”

Samuel II, 5:23

Benɛ David ya bi Yawɛ ga womi ekohu ɔ, Yawɛ de lɛ ke, “Dɛbi, ko tua mɛ ngɛ hiɛ ɔ; yaa lɔgɔ kɛ gu a se je, nɛ o ya tua mɛ ngɛ tso ɔmɛ a he ngɛ lejɛ ɔ.

Matsɛmɛ I, 17:1

Gbalɔ ko nɛ a tsɛɛ lɛ Eliya, nɛ je Tishbe ngɛ Gilead ɔ de Matsɛ Ahab ke, “Ina Yawɛ, Israel Mawu ɔ nɛ i jaa lɛ ɔ kaa bɔ́, aloo hiɔmi be nɛe ngɛ hiɛmɛ nɛ ɔ jeha enyɔ, loo etɛ kɛ yaa si be nɛ ma tsɔɔ.”

Matsɛmɛ I, 18:2

Nɛ Eliya pue nɔ kɛ ho. Jamɛ a be ɔ, hwɔ ɔ nya wa wawɛɛ ngɛ Samaria,

Matsɛmɛ II, 6:25

Enɛ ɔ he je ɔ, hwɔ nɛ nya wa ba Samaria hluu kɛ ya si a jua teji yi tɔ kake sika hiɔ yi nyingmi kpaanyɔ. Lahuɛ fĩ hu he jua ji sika hiɔ yi enuɔ.

Matsɛmɛ II, 8:1

Elisha de Shunem yo ɔ nɛ e binyumu ɔ gbo, nɛ lɛ, Elisha a tle lɛ si ɔ ke, “Moo mia nɛ o kɛ o we mi bi ɔmɛ nyɛɛ ho nɛ nyɛ ya to nubwɔ ngɛ he tsuaa he nɛ nyɛ ma na; ejakaa Yawɛ ma ha nɛ hwɔ maa ba zugba a nɔ jeha kpaago.”

Hiob 10:2

Mawu, koo bu mi fɔ. Mɛni i pee, loko o kɛ mi ngɛ sane yee kikɛ nɛ ɔ?

La 27:8

O de ke, “Nyɛɛ ba ye ngɔ.” Imi hu i kɛ bua jɔmi he nɔ ke, “Yawɛ, i ma;

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Mose III, 26:26

Ma ha nɛ nyɛ niye ní se maa po kulaa. Niye ní he maa hia bɔ nɛ abolo tsuo nɛ nyɛ maa ye ɔ, yihi nyɔngma pɛ maa sã ngɛ flɔɔnɔɔ kake mi. A maa ngmɛ abolo ɔ ngɛ sɛni tɛ nɔ ha nyɛ, nɛ ke nyɛ ye ɔ nyɛ be tɔe.

Mose IV, 27:21

É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Yoshua 7:1

Yawɛ wo Israel bi ɔmɛ mlaa ke níhi nɛ a ma ya na ngɛ Yeriko, nɛ ji níhi nɛ a ma kpata a hɛ mi ɔ, a ti nɔ ko kó ta eko he, se a tɔ mlaa a. Nɔ ko nɛ a tsɛɛ lɛ Akan ɔ ya ngɔ ní ɔmɛ ekomɛ, nɛ lɔ ɔ he ɔ, Yawɛ mi mi fu Israel bi ɔmɛ wawɛɛ. Akan tsɛ ji Karmi, nɛ e nɛ̃ ji Zabdi. E je Zera we puɔ nya, ngɛ Yuda wɛtso ɔ mi.

Yoshua 9:20

Wa ma ha nɛ a yi nɛ na wami ngɛ somi ɔ nya; ke pi ja a, Mawu maa gbla wa tue.

Rut Womi 1:1

Manyadali ɔmɛ a yi nɔ, benɛ matsɛmɛ na we nɛ a bɔni Israel ma a nɔ yemi lolo ɔ, hwɔ ba zugba a nɔ. Lɔ ɔ he ɔ, nyumu ko nɛ a tsɛɛ lɛ Elimelek, nɛ je Efrat weku ɔ mi, kɛ e yo Naomi, kɛ a bimɛ nihewi enyɔ, Malon kɛ Kilion, hia kɛ je Betlehem ngɛ Yuda zugba a nɔ kɛ ya to nubwɔ ngɛ Moab zugba a nɔ. Benɛ a ngɛ lejɛ ɔ,

Samuel I, 10:22

Lɔ ɔ he ɔ, a ya bi Yawɛ ke, “Jije nɔmlɔ ɔ ngɛ?” Nɛ Yawɛ de mɛ ke, “Saul ya laa e he ngɛ nito he ɔ.”

Samuel I, 23:11

Anɛ Keila bi ɔmɛ ma je mi kɛ wo e dɛ mi lo? Anɛ Saul maa ba niinɛ kaa bɔ nɛ o tsɔlɔ nu ɔ lo? Yawɛ Israel Mawu lee, i kpa mo pɛɛ nɛ o ha mi heto.” Yawɛ he nɔ ke, “Ee, Saul maa ba.”

Samuel I, 23:2

Lɔ ɔ he ɔ, David bi Yawɛ ke, “Ma ya nɛ ma ya tua Filisti bi ɔmɛ lo?” Yawɛ he nɔ ke, “Ee, yaa nɛ o ya tua mɛ nɛ o kɛ he Keila yi wami.”

Samuel I, 23:4

Lɔ ɔ he ɔ, David kpale bi Yawɛ ga womi ekohu. Nɛ Yawɛ de lɛ ke, “Yaa nɛ o ya tua Keila; ejakaa ma ngɔ Filisti bi ɔmɛ kɛ wo o dɛ mi.”