Samuel II, 20:6 - BAIBLO ALOO NGMAMI KLƆUKLƆU Ɔ

⁶ Kɛkɛ nɛ matsɛ ɔ de Abishai ke, “Sheba ma ba hao wɔ kulaa pe Absalom tete. Ngɔɔ ye tsɔli ɔmɛ, nɛ́ nyɛɛ nyɛɛ e se; ke pi ja a, e ma ya sɛ mahi nɛ a fia gbogbo ngɔ wo a he ɔ ekomɛ a mi, nɛ e maa hao wɔ.”

Samuel II, 20:6 ပူးပေါင်းရင်းမြစ်များ

Samuel II, 10:14

Benɛ Amon bi ɔmɛ na kaa Siria bi ɔmɛ tu fo ɔ, mɛ hu a tu fo ngɛ ta nɛ a kɛ Abishai ngɛ hwue ɔ nya kɛ ho ma a mi ya. Lɔ ɔ he ɔ, Yoab jɔɔ Amon bi ɔmɛ a se nyɛɛmi, nɛ e kpale kɛ ho Yerusalem ya.

Samuel II, 11:11

Uria he nɔ ke, “Israel kɛ Yuda tsuo ngɛ ta hwue, nɛ somi daka a ngɛ a ngɔ. Jehanɛ, ye nyɔmtsɛ Yoab kɛ e we asafoatsɛmɛ ɔmɛ hu pueɔ si ngɛ nga a nɔ; nɛ imi lɛɛ ma ya we mi nɛ ma ya ye ní, nɛ ma nu dã, nɛ i kɛ ye yo ya hwɔ si lo? I na o nane kaa i be nɔ́ nɛ ɔ pee!”

Samuel II, 18:12

Se nyumu ɔ de Yoab ke, “Kpaoo! Ke o ha mi sika hiɔ yi akpe po, i be ye nine nɔ woe ngɛ matsɛbi ɔ nɔ; ejakaa wa hɛ mi nɛ matsɛ ɔ ka mo, kɛ Abishai, kɛ Itai kita ngɛ ke, ‘Ye he ɔ, nyɛ ko ye niheyo Absalom ɔ awi.’

Samuel II, 18:2

Lɔ ɔ se ɔ, David gba tabo ɔ tsuo mi etɛ, nɛ e ngɔ Yoab ngɔ to kekleekle nɔ́ nya. Yoab senɔ Abishai, Zeruya bi ɔ ji kuu enyɔne ɔ nyatsɛ; nɛ etɛne ɔ lɛɛ e kɛ wo Itai, Gat no ɔ dɛ mi. Kɛkɛ nɛ matsɛ ɔ de e we bi ɔmɛ ke, “Imi nitsɛ i kɛ nyɛ maa ya.”

Samuel II, 19:7

Lɔ ɔ he ɔ, tee si esɔ, nɛ o ya nɛ o ya jɔɔ o tsɔli ɔmɛ a bua. I na Yawɛ kaa ke o yɛ ɔ, nyɔ nɛ ɔ mi ke e piɛ nyumu kake ngmelu ngɛ o he fii! Nɔ́ nɛ ɔ ma ba pee haomi agbo kɛ ha mo pe haomi ɔmɛ tsuo nɛ ba o nɔ kɛ je o nihe mi kɛ ba si amlɔ nɛ ɔ.”

Samuel II, 2:18

Zeruya binyumu etɛ ɔmɛ hu ngɛ lejɛ ɔ. Mɛ ji Yoab, Abishai, kɛ Asahel. Asahel nane nya sɔɔ kaa alɔngɔ.

Samuel II, 21:17

Se Zeruya bi Abishai ba piɛ David he; e tua Filisti no ɔ, nɛ e gbe lɛ. Kɛkɛ nɛ David we bi ɔmɛ ka David kita ke, “O kɛ wɔ be ta yae hu gblegbleegble. Israel hɛngmɛ ji mo; koo pee nɛ wa hɛngmɛ ɔ ba pɛ.”

Samuel II, 23:18

Yoab nyɛminyumu Abishai, Zeruya binyumu ɔ ji “Ni nyingmi etɛ ɔmɛ” a nyatsɛ. Lɛ nɛ e ngɔ e we akplɔ kɛ gbe nimli lafa etɛ, nɛ e kɛ ná biɛ ngɛ katsɛmɛ nyingmi etɛ ɔmɛ a kpɛti.

Samuel II, 3:30

Yoab kɛ e nyɛminyumu Abishai gbe Abner, ejakaa lɛ hu e gbe a nyɛminyumu Asahel ngɛ Gibeon ta a mi.

Samuel II, 3:39

Imi lɛɛ a pɔ mi nu nɛ a wo mi matsɛ mohu, se mwɔnɛ ligbi nɛ ɔ, i pee kaa nɔ nɛ be he wami. Kikɛmɛ a Zeruya binyumu nɛ ɔmɛ a sane wa pe mi. Yawɛ nɛ wo yayami peelɔ ɔ hiɔ bɔ nɛ sa lɛ!”

Matsɛmɛ I, 1:33

e de mɛ ke, “Nyɛɛ ngɔ Salomo, kɛ ye tsɔli ɔmɛ kɛ ya Gihon. Salomo nɛ hi imi nitsɛ ye teji okpɔngɔ ɔ nɔ,

Kronika I, 11:20

Yoab nyɛminyumu Abishai ji “Ni nyingmi etɛ ɔmɛ” a nyatsɛ. Ligbi ko ɔ, e kɛ e we akplɔ ɔ gbe nimli lafa etɛ, nɛ e kɛ na biɛ ngɛ katsɛmɛ “Nyingmi etɛ ɔmɛ” a kpɛti.

Kronika I, 18:12

Enɛ ɔ se ɔ, Abishai, nɛ a tsɛɛ e nyɛ biɛ ke Zeruya a, ya tua Moab bi ɔmɛ ngɛ Ngo kɔ̃ ɔ mi, nɛ e gbe a ti nihi akpe nyɔngma kɛ kpaanyɔ.

Yeremia 8:14

Mawu ma a mi bi ɔmɛ bi a he ke, “Mɛni he je lɛ wa hii si ngɛ hiɛmɛ nɛ ɔ kɛ mwɔɔ? Nyɛ ha nɛ waa tu fo kɛ ya mahi nɛ a fia gbogbo ngɔ wo a he ɔ a mi, nɛ wa ya gbo ngɛ jamɛ a ma amɛ a mi. Yawɛ, wa Mawu ɔ bu wɔ gbenɔ fɔ, nɛ e ngɔ nyu kɛ kplu nɛ duɔ ngɛ mi ngɔ ha wɔ ke waa nu, ejakaa wa pee yayami kɛ si lɛ.

Marko 3:24

Ke ma ko mi bi gba ta ngɔ wo mɛ nitsɛmɛ a he ɔ, jamɛ a ma a be nyɛe maa da si.

Samuel I, 26:6

David bi Ahimelek, Hit no ɔ, kɛ Yoab nyɛminyumu Abishai, Zeruya binyumu ɔ ke, “Nyɛ ti mɛnɔ kɛ mi maa ya Saul ta a mi?” Abishai he nɔ ke, “I kɛ mo maa ya.”