Samuel II, 20:21 - BAIBLO ALOO NGMAMI KLƆUKLƆU Ɔ

²¹ Tsa pi ja ji sane ɔ. Nyumu ko nɛ a tsɛɛ lɛ ke Sheba, nɛ ji Bikri binyumu ɔ nɛ je Efraim yo ɔ nɔ ɔ, lɛ nɛ e te si ngɔ wo Matsɛ David. Nyɛ je nyumu nɛ ɔ pɛ ngɔ wo ye dɛ mi, kɛkɛ ma kpale ye se!” Yo ɔ de Yoab ke, “Hyɛ, wa maa fɔ e yi kɛ gu gbogbo ɔ nɔ kɛ mane mo.”

Samuel II, 20:21 ပူးပေါင်းရင်းမြစ်များ

Yeremia 50:19

Ma kpale Israel bi ɔmɛ kɛ ba mɛ nitsɛmɛ a zugba a nɔ ekohu. A maa ye niye ní nɛ baa ngɛ Karmel yo ɔ nɔ, kɛ Bashan zugba a nɔ ɔ. A ma na ní maa ye bɔ nɛ a suɔ ngɛ Efraim kɛ Gilead zugba a nɔ.

Yeremia 4:15

Tsɔli ngɔ sɛ gbi yaya kɛ je Dan ma a mi, kɛ Efraim yo ɔ nɔ kɛ ma.

Matsɛmɛ II, 10:7

Benɛ Yehu womi ɔ ba su Samaria ma nimeli ɔmɛ a dɛ ɔ, a nuu matsɛ binyumu nyingmi kpaago ɔmɛ nɛ a gbe mɛ. Lɔ ɔ se ɔ, a ngɔ a yi koklodo ɔmɛ kɛ wo kusiihi a mi; nɛ a tsɔ nɛ a kɛ ya ha Yehu ngɛ Yezreel.

Matsɛmɛ II, 5:22

Gehazi he nɔ ke, “Dɛbi! I hɛɛ we sane yobu ko. Ye nyɔmtsɛ ɔ lɛ tsɔ mi ke ma ba de mo ke amlɔ nɛ ɔ nɔuu nɛ gbali a kuu ɔ mi nihewi enyɔ je Efraim yo ɔ nɔ kɛ ba e ngɔ. Lɔ ɔ he ɔ, e kpa mo pɛɛ nɛ o ha mɛ sika hiɔ yi akpe etɛ, kɛ he dlami tade saminyawiiwi enyɔ.”

Samuel II, 23:18

Yoab nyɛminyumu Abishai, Zeruya binyumu ɔ ji “Ni nyingmi etɛ ɔmɛ” a nyatsɛ. Lɛ nɛ e ngɔ e we akplɔ kɛ gbe nimli lafa etɛ, nɛ e kɛ ná biɛ ngɛ katsɛmɛ nyingmi etɛ ɔmɛ a kpɛti.

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel I, 26:9

Se David de Abishai ke, “Mo ko kpata e hɛ mi; ejakaa tue gblami fɔɔ si ha nɔ tsuaa nɔ nɛ pueɔ nɔ nɛ Yawɛ pɔ lɛ nu ke e ye matsɛ ɔ e muɔ si.”

Samuel I, 24:6

nɛ e de e we bi ɔmɛ ke, “Yawɛ kó ha ma pee ye nyɔmtsɛ ɔ nɛ lɛ, Yawɛ ɔ hla, nɛ e wo lɛ matsɛ ɔ nɔ́ ko kaa kikɛ nɛ ɔ. I be lɛ awi yee; ejakaa nɔmlɔ nɛ Yawɛ hla, nɛ e wo matsɛ ji lɛ.”

Manyadali 7:24

Gideon tsɔ nihi kɛ ho Efraim yoku ɔmɛ a nɔ tsuo ya, nɛ a ya de ke, “Nyɛ kple si nɛ nyɛɛ kɛ Midian bi ɔmɛ ba hwu ta. Nyɛɛ tsi mɛ blɔ ngɛ Yordan pa pomi he ɔmɛ hluu kɛ yaa si Betbara kɛ Yordan pa a nya!” A ya kpee Efraim nyumu ɔmɛ tsuo kɛ ba, nɛ a ba ngɔ Yordan pa a, kɛ pa tsɔwi ɔmɛ kɛ ya si Betbara.

Manyadali 2:9

A pu lɛ ngɛ lɛ nitsɛ e zugba nɔ ngɛ Timnat Heres, ngɛ Efraim yo ɔmɛ a nɔ, ngɛ Gaas yo ɔ we omleyi je.

Yoshua 24:33

Aaron bi Eleazar hu ba gbo, nɛ a pu lɛ ngɛ Gibea ngɛ Efraim yo ɔ nɔ, he nɛ a ngɔ kɛ ha e binyumu Finehas ɔ.

Samuel II, 20:2

Nɔ́ nɛ ɔ ha Israel bi ɔmɛ tsuo pɛpɛɛpɛ gbla a he si kɛ je David he nɛ a ya nyɛɛ Bikri bi Sheba se; se Yuda bi ɔmɛ lɛɛ a mɛtɛ a matsɛ ɔ he kpɛii, nɛ a nyɛɛ e se kɛ je Yordan ɔ he kɛ ho Yerusalem ya.

Samuel II, 20:20

Yoab he nɔ ke, “Kpaoo! Kpaoo! I bɛ nyɛ ma a puɛmi, aloo e hɛ mi kpatami.

Matsɛmɛ I, 11:26

Nɔ kpa ko hu nɛ te si ngɔ wo Matsɛ Salomo ji e tsɔli ɔmɛ a ti nɔ kake nɛ ji Nebat binyumu Yeroboam nɛ je Zereda ngɛ Efraim ɔ. Yalɔyo ko nɛ a tsɛɛ Zerua a bi ji lɛ.

Manyadali 9:55

Benɛ Israel bi ɔmɛ na kaa Abimelek gbo ɔ, mɛ tsuo pɛpɛɛpɛ a je kɛ ho a wehi a mi ya.