Samuel II, 20:15 - BAIBLO ALOO NGMAMI KLƆUKLƆU Ɔ

¹⁵ Benɛ Yoab we bi ɔmɛ nu kaa Sheba ngɛ Abel ngɛ Bet Maaka a, a ya sa ma a yi. A kɛ zu fia kpoku wo ma a he kɛ ya su gbogbo nɛ bɔle ma a yi mi tɔɔ, nɛ a bɔni gbogbo ɔ nɔ́ fiami, konɛ a hule lɛ.

Samuel II, 20:15 ပူးပေါင်းရင်းမြစ်များ

Matsɛmɛ II, 19:32

“Lɔ ɔ he ɔ, bɔ nɛ Yawɛ de ngɛ Asiria matsɛ ɔ he ji nɛ ɔ nɛ: ‘E be ma nɛ ɔ mi sɛe, nɛ e be kɛ̃ɛ̃ ko hu tsɛ̃e kɛ ba hiɛ ɔ. Ta buli nɛ hɛɛ tsɛi be ma a he sue, nɛ a be kpoku ko fiae kɛ wo ma a he.

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Luka 19:43

Be ma nɛ o he nyɛli ɔmɛ ma sa o yi kɛ kpe; a maa tsi blɔhi tsuo ngɛ ma a mi, nɛ a ma tua mo kɛ je he slɔɔtohi.

Ezekiel 4:2

Moo ma mɔ, nɛ o fia gbogbo kɛ kpoku kɛ wo he. Ngɔɔ ta buli kɛ gbogbo kuɔmi níhi kɛ bɔle lɛ kɛ kpe kɛ tsɔɔ kaa a sa ma a yi.

Yeremia 33:4

Imi Yawɛ, Israel Mawu ɔ, i ngɛ dee ke a maa ku Yerusalem we ɔmɛ, kɛ Yuda matsɛ we ɔ ngɔ pue si. E he be se nami bae ha nyɛ kaa nyɛ maa je kpo nɛ nyɛɛ kɛ Babilonia bi ɔmɛ ya hwu ta ngɛ kpoku nɛ a fia kɛ bɔle ma a he. Ke nyɛ pee ja a, nyɛ ma ha nɛ nihi nɛ i kɛ abofu maa gbe ɔ a gbogboe ma hyi ma a mi tɔ. Ní yayamihi nɛ ma nɛ ɔ mi bi ɔmɛ pee he je ɔ, i kua ma a.

Yeremia 6:6

Yawɛ Tabohiatsɛ ɔ fa matsɛmɛ nɛ ɔmɛ nɛ a po tso kɛ pee kpoku kɛ bɔle Yerusalem kɛ kpe, nɛ a sa ma a yi. Yawɛ de to ke, “Ma gbla ma nɛ ɔ tue, ejakaa amimi sɔuu lɛ a ngɛ yee ngɛ ma a mi.

Yesaya 37:33

“Lɔ ɔ he ɔ, bɔ nɛ Yawɛ de ngɛ Asiria matsɛ ɔ he ji nɛ ɔ nɛ: ‘E be ma nɛ ɔ mi sɛe, nɛ e be kɛ̃ɛ̃ kake po tsɛ̃e kɛ ba hiɛ ɔ. Ta buli nɛ hɛɛ tsɛ̃i be ma a he sue, nɛ a be kpoku ko fiae kɛ wo ma a he.

Matsɛmɛ II, 15:29

Israel matsɛ, Peka yi nɔ ɔ, Asiria matsɛ, Tiglat Pileser ba ngɔ Iyon, Abel Bet Maaka, Yanoa, Kedesh, Hazor, Gilead, kɛ Galilea-Naftali zugba a tsuo; nɛ e ngɔ nimli nɛ ɔmɛ nyɔguɛ kɛ ho Asiria ya.

Matsɛmɛ I, 15:20

Benhadad kplɛɛ Asa munyu ɔ nɔ, nɛ e tsɔ e tatsɛmɛ ɔmɛ nɛ a ya tua Israel ma amɛ. A ngɔ Iyon, Dan, Abel Bet Maaka, Kinerot, kɛ Naftali zugba amɛ tsuo.

Samuel II, 20:14

Sheba ya kpa Israel wɛtso ɔmɛ tsuo a nɔ kɛ ya si Abel ngɛ Bet Maaka, nɛ Bikri bi ɔmɛ tsuo bua a he nya nɛ a nyɛɛ e se kɛ ho ma a mi ya.

Fiɛlɔ 9:14

Ma wayoo ko hi si kɛ e mi nimli bɔɔ pɛ. Be ko ɔ, matsɛ nguaa ko ba tua ma a. E sa ma a yi, nɛ e fia kpoku kɛ bɔle ma a.