Samuel II, 20:13 - BAIBLO ALOO NGMAMI KLƆUKLƆU Ɔ

¹³ Benɛ e je lɛ kɛ je gbɛjegbɛ ɔ nɔ ɔ, ni ɔmɛ tsuo ya piɛ Yoab he nɛ a kɛ nyɛɛ Sheba se.

Samuel II, 20:13 ပူးပေါင်းရင်းမြစ်များ

Marko 10:46

Jehanɛ a ba su Yeriko, nɛ benɛ Yesu kɛ e kaseli ɔmɛ, kɛ ma kpekpemi nihi babauu je lejɛ ɔ kɛ yaa a, a na Timeo bi Bartimeo hɛ yuyuilɔ ɔ nɛ hii si ngɛ gbɛjegbɛ ɔ tue ngɛ nɔ́ bae.

Yeremia 31:21

Nyɛɛ ma tsohi ngɛ blɔ he kɛ to blɔ ɔ he so. Blɔ nɛ nyɛ maa nyɛɛ nɔ kɛ ya a, nyɛɛ to blɔ ɔ he hɛ saminya. Israel ma, nyɛɛ kpale kɛ ba koo! Nyɛɛ kpale kɛ ba nyɛ nitsɛmɛ nyɛ ma amɛ a mi.

Yesaya 62:10

Yerusalem bi, nyɛɛ je kpo; nyɛɛ gu agbo ɔmɛ a mi kɛ je kpo! Nyɛɛ je gbɛjegbɛ kɛ ha ma a; nyɛ kukuɔ a nɔ tɛhi tsuo. Nyɛɛ si aflangaa nɛ je ma amɛ nɛ a na.

Yesaya 36:2

Lɔ ɔ se ɔ, e fa e we asafoatsɛ nɔkɔtɔma kɛ e ta buli babauu kɛ je Lakish ke a ya Yerusalem nɛ a ya de Matsɛ Hezekia ke e ha yi. Asafoatsɛ ɔ kɛ e ta a ba da si ngɛ yiti je taku ɔ nyu dɔ ɔ he, ngɛ gbɛjegbɛ ɔ nɔ kɛ yaa ní a he fɔli ɔmɛ a ní tsumi he ɔ.

Yesaya 7:3

Yawɛ de Yesaya ke, “Yaa nɛ o kɛ Matsɛ Ahaz ya kpe; ngɔɔ o bi Shear Yashub ngɔ piɛ o he kɛ ya. O maa na lɛ ngɛ gbɛjegbɛ ɔ nɔ ngɛ bo loli a ní tsumi he ɔ, he nɛ nyu dɔ nɛ gblaa nyu kɛ jee pa a nɛ ngɛ yiti je ɔ nya ya ta ngɛ ɔ.

Abɛ Womi 16:17

Blɔ nɛ kɛ nɔ yɛ yayami mi ɔ, lɔ ɔ nɔ nimli kpakpahi nyɛɛɔ. Nɔ nɛ hyɛɛ e he nɔ saminya a, e he lo yi lɛ e ngɛ baae ɔ nɛ.

Matsɛmɛ II, 18:17

Asiria matsɛ ɔ wo ta buli babauu blɔ kɛ je Lakish kɛ ya tua Hezekia ngɛ Yerusalem. Senakerib we asafoatsɛmɛ kpanakpanaa etɛ ji a nyatsɛmɛ. Benɛ a su Yerusalem ɔ, a ya da si ngɛ blɔ ɔ nɔ he nɛ bo loli ɔmɛ tsuɔ ní ngɛ ɔ. Nyu dɔ ko ngɛ lejɛ ɔ, nɛ e mi lɛ nyu nɛ jee taku ɔ mi ngɛ yiti je ɔ guɔ.

Samuel I, 6:12

Kɛkɛ nɛ na amɛ ma Bet Shemesh blɔ ɔ nɔ tɛ̃ɛ̃ kɛ ho; a gba we a hiɔ nɔ, loo a muɔ nɔ; nɛ benɛ a yaa a tsuo a ngɛ pɛe muu muu ngɛ blɔ ɔ nɔ. Filisti matsɛmɛ enuɔ ɔmɛ nyɛɛ a se kɛ ya si Bet Shemesh huzu ɔ nya.

Manyadali 21:19

Kɛkɛ nɛ a kai kaa daa jeha a, a yeɔ Yawɛ nyami ligbi ko ngɛ Shilo nɛ ngɛ Lebona kɛ Betel a kpɛti ɔ, ngɛ gbɛjegbɛ ɔ nɛ je Betel kɛ yaa Shekem ɔ beleku je ɔ.

Mose IV, 20:19

Israel bi ɔmɛ de ke, “Gbɛjegbɛ ɔ nɔ kɛkɛ wa maa nyɛɛ; nɛ ke e ba mi kaa wɔ, loo wa lohwe ɔmɛ nu nyɛ nyu ɔ eko ɔ, wa maa wo he hiɔ. Moo lɛɛ moo ngmɛ wɔ blɔ nɛ waa gu o zugba a nɔ kɛ be kɛkɛ; enɛ ɔ pɛ wa ngɛ bie.”

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel II, 20:11

Yoab we bi ɔmɛ a ti nɔ kake ho ya da si ngɛ Amasa he, nɛ e de ke, “Nɔ tsuaa nɔ nɛ ngɛ Yoab, kɛ David blɔ fa mi ɔ, e ba nɛ e ba nyɛɛ Yoab se.”

Samuel II, 20:14

Sheba ya kpa Israel wɛtso ɔmɛ tsuo a nɔ kɛ ya si Abel ngɛ Bet Maaka, nɛ Bikri bi ɔmɛ tsuo bua a he nya nɛ a nyɛɛ e se kɛ ho ma a mi ya.