Samuel II, 20:10 - BAIBLO ALOO NGMAMI KLƆUKLƆU Ɔ

¹⁰ Nɛ pee ja a, Amasa nɛ́ klaate ɔ nɛ Yoab hɛɛ ngɛ e muɔ nine mi ɔ; kɛkɛ nɛ Yoab kɛ klaate ɔ gbɔ e muklii mi, nɛ e pã e mi ní kɛ pue zugba. E gbo amlɔ nɔuu nɛ e he hia we kaa Yoab nɛ fia lɛ nɔ́ si enyɔne hu. Lɔ ɔ se ɔ, Yoab kɛ e nyɛmi Abishai pue nɔ kɛ nyɛɛ Bikri bi Sheba a se.

Samuel II, 20:10 ပူးပေါင်းရင်းမြစ်များ

Mose I, 4:8

Pee se ɔ, Kain de e senɔ Habel ke, “Ha nɛ waa ho nga nɔ ya.” Benɛ a ngɛ nga a nɔ ɔ, Kain nu e senɔ ɔ nɛ e gbe lɛ.

Samuel II, 2:23

Se loloolo ɔ, Asahel kplɛɛ we. Lɔ ɔ he ɔ, Abner kɛ e we akplɔ ɔ se je ɔ gbɔ Asahel muklii mi, nɛ akplɔ ɔ nya ya hia kpo ngɛ Asahel se mi. Asahel nɔ si nɛ e gbo ngɛ lejɛ ɔ nɔuu, nɛ nɔ tsuaa nɔ nɛ ba su he nɛ e fɔɔ si ngɛ ɔ, ba da si dii.

Samuel II, 20:9

Yoab de Amasa ke, “Ye nyɛmi, kɛ o ngɛ kɛɛ?” Yoab kɛ e hiɔ nine nu Amasa kpɛni, konɛ e fiɔ e nya he.

Samuel II, 3:27

Benɛ Abner kpale kɛ ba Hebron ɔ, Yoab nu e nine si nɛ e kɛ lɛ ho ma a agbo ɔ nya ya kaa nɔ́ nɛ e kɛ lɛ yaa dami. Yoab gbɔ Abner muklii mi nɔ́ nɛ e gbe lɛ ngɛ lejɛ ɔ, ngɛ e nyɛmi Asahel muɔ nɛ Abner pue si ɔ he.

Kronika I, 12:2

Ta buli nɛ ɔmɛ ɔ, Saul nitsɛ nyɛmimɛ Benyamin bi ji mɛ. A nine nya da saminya; a nyɛɔ nɛ a kɛ a hiɔ nine, loo a muɔ nine tsɛ̃ɔ kɛ̃ɛ̃, aloo a fɔɔ amlami tɛ.

Yeremia 41:2

Ishmael kɛ nyumuhi nyɔngma nɛ piɛ e he ɔ hia klaate wo Gedalia he, nɛ a gbe lɛ.

Mose IV, 35:20

“Ke nɔ ko nyɛ nɔ ko, nɛ e gbɔ lɛ ha, aloo e ya wo lɛ ka, nɛ e fɔ̃ nɔ́ ko kɛ ya na lɛ nɛ e gbo,

Manyadali 3:15

Se Israel bi ɔmɛ fa kue ha Yawɛ, nɛ Yawɛ je kpɔlɔ ko ha mɛ. Lɛ ji Ehud, Benyamin no Gera binyumu ɔ; muɔtsɛ ji lɛ. Israel bi ɔmɛ tsɔ lɛ Moab matsɛ, Eglon ngɔ kɛ nike níhi.

Manyadali 3:21

Kɛkɛ nɛ Ehud ngɔ e muɔ nine kɛ hia klaate ɔ ngɛ e hiɔ nɔ fiɔ he, nɛ e kɛ klaate ɔ gbɔ matsɛ ɔ muklii mi.

Samuel I, 26:8

Kɛkɛ nɛ Abishai de David ke, “Mawu je o he nyɛlɔ ɔ kɛ wo o dɛ mi mwɔnɛ ɔ; lɔ ɔ he ɔ, ha nɛ ma hɛ lɛ akplɔ ɔ si kake pɛ kɛ ya pi zugba, nɛ e be hiae kaa a hɛ lɛ enyɔne.”