Samuel II, 2:9 - BAIBLO ALOO NGMAMI KLƆUKLƆU Ɔ

⁹ Abner ya wo lɛ matsɛ ngɛ lejɛ ɔ kɛ ha Gilead, Asher, Yezreel, Efraim, Benyamin, kɛ Israel ma amɛ nɛ piɛ ɔ tsuo.

Samuel II, 2:9 ပူးပေါင်းရင်းမြစ်များ

La 108:8

Ye mahi ji Gilead kɛ Manase. Efraim ji ye dade pɛɛ, nɛ Yuda ji ye matsɛ tso.

Manyadali 1:32

Asher bi nɛ ɔmɛ, kɛ Kanaan bi nɛ ngɛ zugba a nɔ ɔ hi si; ejakaa a fie we mɛ.

Yoshua 19:18

Mahi nɛ ngɛ huzu ɔ mi ji Yezreel, Kesulot, Shunem,

Mose I, 30:13

Lea wo lɛ biɛ ke Asher, nɛ e de ke, “Hyɛ bɔ nɛ ye bua jɔ ha! Yi kpa amɛ ma de ke a gbaa mi saminya.”

Yoshua 22:9

Lɔ ɔ he ɔ, Ruben wɛtso ɔ, Gad wɛtso ɔ, kɛ Manase wɛtso fa a kpale kɛ ho a zugba amɛ a nɔ ya. A je Israel bi ɔmɛ nɛ piɛ ɔ a he ngɛ Shilo, ngɛ Kanaan zugba a nɔ, nɛ a pue nɔ kɛ ho mɛ nitsɛmɛ a zugba a nɔ ya, ngɛ Gilead, he nɛ a ngɔ ha mɛ momo ɔ, kaa bɔ nɛ Yawɛ gu Mose nɔ fa mɛ ke a pee ɔ.

Samuel I, 29:1

Filisti bi ɔmɛ bua a tabo ɔmɛ tsuo a nya ngɛ Afek, nɛ Israel bi ɔmɛ hu ya bua ngɛ nyu vu ko nɛ ngɛ Yezreel ɔ kasa nya.

Samuel II, 2:10

Saul bi Ishboshet ye jeha nyingmi eywiɛ benɛ e bɔni Israel nɔ matsɛ yemi, nɛ e ye matsɛ jeha enyɔ. Se Yuda wɛtso ɔ lɛɛ a nyɛɛ David se.

Samuel II, 3:6

Benɛ Saul we ɔ, kɛ David we ɔ ngɛ ta hwue ɔ, Abner ba na blɔ nya ngɛ Saul we ɔ.

Yoshua 16:5

Bɔ nɛ a dla zugba a ngɔ ha Efraim bi ɔmɛ we puɔ nya we puɔ nya ji nɛ ɔ nɛ. Ngɛ beleku je ɔ, a zugba a huzu ɔ je Atarot Adar kɛ ya su Bet Horon ngɛ yiti je ɔ tɔɔ.

Yoshua 16:8

Jehanɛ huzu ɔ je Tapua, kɛ gu bonyoku je kɛ ya na Kana pa a, nɛ e ya gbe nya ngɛ Mediterenia wo ɔ nya. Zugba nɛ a ha Efraim wɛtso ɔ kaa a weto ní nɛ a dla ngɔ ha mɛ we puɔ nya we puɔ nya ji nɛ ɔ nɛ.

Yoshua 16:9

Lɔ ɔ se hu, a ha Efraim bi ɔmɛ ma komɛ kɛ a he kɔpehi ngɛ Manase bi ɔmɛ a huzu ɔ mi.

Yoshua 17:1

A ngɔ zugba a nɛ ngɛ Yordan pa a bonyoku je ɔ fa ko ngɔ ha we puɔ nya amɛ ekomɛ nɛ ji Yosef binyumu nɔkɔtɔma Manase nina. Akɛnɛ Gilead tsɛ Makir, Manase bitɛte ɔ, tatsɛ kpanaa ji lɛ he je ɔ, a ha lɛ Gilead kɛ Bashan ngɛ Yordan pa a beleku je.

Yoshua 18:11

Sɔ nɛ a fɔ ɔ je Benyamin bi ɔmɛ, nɛ a we puɔ nya amɛ ji kekleekle nihi nɛ a ha mɛ zugba. A zugba a ngɛ Yuda wɛtso ɔ kɛ Yosef wɛtso ɔ a kpɛti.

Yoshua 18:20

Yordan pa a ji huzu ɔ ngɛ beleku je. Huzuhi nɛ bɔle zugba a nɛ Benyamin wɛtso ɔ ná kaa a weto ní ji nɛ ɔ nɛ.